Akauzazte taldea 90eko hamarkada hasieran jaio zen Azkoitian, eta laster ezagutzera eman zen atun-lata batean kaleratutako maketarekin. Elektronikarik gabeko musika industriala, Alemaniako garai bateko taldeen korrontea, poesia, gordintasuna...Era berean, gerora gurean hainbeste jorratu den post-rock eta post-hardcorearen aurrekaria ere bada taldea.
Ordutik hainbat disko kaleratu dituzte eta bilduma askotan parte hartu dute, baina zaila da taldea zuzenean ikustea. Zazpikote gisa hasi ziren, boskote izan ziren gero; eta azken urteotan hirukote izan badira ere, orain boskote dira berriro bi bateriekin.
Beste disko bat kaleratu berri atsedena hartzekotan daude eta seguruenik hauxe azken emanaldia izango da, Arrasaten, orain dela 19 urte aritu ziren herri berean.
Zuzen-zuzenean programaren baitan.
Sarrera: 6
ABENDUROCK IREKIERA, ZABIEL KULTUR ETXEAN). Emarock dokumentalaren emanaldia + KOKEIN taldearen kontzertu akustikoa + Jon Iraundegiren argazki erakusketa irekiera eta montxorra). Oharra: argazki erakusketa abenduaren 4, 5 , 6 eta 7an egongo da zabalik.