Afro-beat izeneko koktel musikal lehergarria sortu zuen eta afrikartasuna aldarrikatu. Duela bost urte hil zen ihesak jota, baina musikari jenial honen hitzala ez da egundaino ahitu. Eta Fela Kutik Afrikako mugak txikitu bazituen, orain elektronika bere ondarea zabaltzen ari da.

Win Wenders zinemagile alemaniarrak Paris Texas film ezaguna egiteko oinarritzat hartu zuen Sam Shepard-en Motel Chronicles liburuko protagonista batek ezin hobeto deskribatzen du Nina Simone pasarte batean: “Erregina egiptoar bat zirudien... Simonek abesten zuenean kandela bat piztuta eramaten nuen. Behin, urtutako kandelaren tantoak bezero bati galtzetan isuri nizkion. Jarioa benetakoa zirudien. Egun hartan lantokitik bota ninduten”. Tamalez, Egiptoko erregina zirudiena 2003ko apirilaren 21ean hil zen, 70 urte zituela.