entzun.com

Musika albisteak
eta agenda astero
zure postontzian!


| Sindikatu - RSS | Testu tamaina AAA

Erreportajeak

bidali zure berria Bidali zure artikuluak
Iigo Basaguren-Duarte 2015-05-14

Hartzak Blues Band

Arima saldu rock and rollari

Diskoaren azala. Diskoaren azala.
Enkarterriko kobazulo ilun batean hartz batek, rock & roll zikin eta pisutsuzkoa entzuten, negu gogorrari egiten dio aurre. Ouija taula baten laguntzaz, arima saltzen dio deabruari, infernuko soinuari, rock & rollari. Udaberriaren lehen argi izpiekin kobatik atera eta inguruko bailara eta mendiak dardarka jartzen ditu orro izugarri batekin.


Arima Saldu, honela du izena Enkarterriko Hartzak Blues Band taldeak kaleratu berri duen azken lanak, lau abestiz osatutako EPa, aurreko demoarekin nolabaiteko distantzia mantentzen duena: Zerbait desberdina nahi genuen. Aurrekoa entsegu lokalean grabatu genuen eta oraingoan Fidelenean grabatu dugu, Mikel Kazalisekin. Oso esperientzia ona izan dela aipatzen dute, bagenekielako zer nahi genuen: rock & roll zikin eta pisutsua. Izaera hori da, oinarrian, baina hainbat abardura aurkitu ditzakegu beraien soinuan, adibidez gitarren garbitasuna.

Hellacopters gogora ekartzen digun riff batekin irekitzen da singlea. Hala ere, beren eraginak rock eskandinaviarraren beste talde batzuengan bilatzen dituzte, hala nola, Turbonegro edo Gluecifer, beraien lehenengo lanean agerikoagoak direnak. Amorrua dastatzen deitzen da abestia eta hori bera transmititzen digu, norberaren berezko errekuntza: Gau ilunak argitzen dituen tximista izan nahi dut / zorua ikutu eta gezur guztiak erre.

Letrak taldekide guztien artean idazten dituzte, baina Errudun abestian, laneko bigarrenean, Mario arduratu da: Egoera dena da eta ez dugu gure burua aldatzen, ez dugu ahal genukeen guztia egiten, beraz, gu ere errudun gara. Letra guztiak errealitateaz hitz egiten dute, baina gai konkretu bat jorratu nahi dugunean, buelta ematen saiatzen gara.

Rock & Rolla asimilatuta dago, baina oraindik zirikatzeko gaitasuna daukala aldarrikatzen dugu, rock & rollan sinisten jarraitzen dugu"

B aldean, Arima saldu abestian, lanari izena ematen diona, baldintzarik gabeko maitasuna eskaintzen diote rock & rollari, pasioa eta bizimodua ere badirela aldarrikatuz: Rock & Rolla asimilatuta dago, baina oraindik zirikatzeko gaitasuna daukala aldarrikatzen dugu, rock & rollan sinisten jarraitzen dugu.
Jotzeaz gain, beti ibili dira Enkarterriak pizten, bizitza ematen, kontzertuak antolatzen eta fanzineak idazten. Hala ere, gaur egun giroa nahiko geldi dago.

EPa Ez abestiarekin ixten da, aukeraketa aproposa. Honakoa egin zuten bigarren abestia da, nahiz eta orain arte ez duten grabatu. Amorrua nabaritzen da akorde eta riff-en atzean, baita Marioren ahotsean ere. Abesti honetan azeleragailua zapaltzen dute tarte melodikoagoekin nahastuz, emaitza polita lortuz.

Lana, beraien filosofiarekin eta lan egiteko moduarekin bat egiten duten lau zigiluren laguntzarekin kaleratu dute: Horrela lan egitea, industriatik urrun, nekeza izan daiteke, baina polita da.
Bestalde, azaleko irudi izugarria Txori handiarena da.

bidali zure artikulua Bidali zure artikulua
Erlazionaturiko edukiak
Bidali zure iruzkina


kaptxa

bai, ezagutzen dut datuen erabilpen politika eta onartu.

bai, entzunen buletina astero jaso nahi dut.