.:entzun.com:.

harpide

berriaketa...


Roberto Moso	ROBERTO MOSOREKIN
	Norbaitek zerbait interesgarria esateko daukanean gustura entzuten zaio, are gehiago, bizi ez duzun garai bateko narratzailea denean. 80. hamarkada bete betean bizi zuen pertsonaia dugu aurrez aurre, hainbat mito eta idealizazio sortu dituen garaia, batez ere Euskal Herrian. Roberto Moso, face to face:
Xabier Doncel


Josu Zabala	JOSU ZABALA
	Mekoletan jaio baina bi urterekin tokatu zitzaidan bizi lekua Bizkaia sakonetik Gasteiz herrixka handi eta erdaldunera aldatzea. 1960an hamaika urte nituela, gaztelania sekula ondo ikasi ez zuen nire ama Felizianak erabaki zuen akordeoia ikasi behar nuela eta ikasketak egin nituen Cecilio Lz de Luzuriagarekin. 1970 hamarkadan Euskal Herria klandestinitatetik legaltasunerako bidaia ernagarria zen.
Fermin Etxegoien


Anjel Valdes	ANJEL VALDES
	Anjel Valdes Bilbon jaio zen 1958. urtean, baina aita marinela zela eta, haurtzaroko lau urte Bartzelonan bizi izan zituen. Anaien musika zaletasunari esker, Led Zeppelin, The Who, Neil Young eta abar ezagutu zituen, eta aitaren eraginez —Karibean egon zen lanean urtetan—, salsarekin, boleroekin edota Perez Pradoren orkestrekin harremana izan zuen. Horren ondorioz, oso gaztetatik perkusio tresnak jotzen hasi zen.
Mikel Lizarralde


Joseba Tapia	JOSEBA TAPIA
	Joseba Tapia 1964ko maiatzean jaio zen Lasarten, musikarekin lotura estua zuen familia batean. Eleuterio eta Juanito bere osabak trikitilari ospetsuak ziren, eta amaren aldetik ere, kanturako zaletasuna jaso zuen Josebak. Sei urterekin plastikozko soinu batekin Andre madalen jo, eta musikarako joera zuela ikusita, gurasoek soinu handia jotzen ikastera eraman zuten. Zortzi urte igaro zituen ikasten, baina 15 urterekin soinu txikia hartu zuen bere osaben iritzia aurkakoa izan arren. 17 urterekin erromerietan jotzen hasi zen, artean bakarrik; eta 1984an Xabier Berasaluze Leturia pandero-jotzailearekin elkartu zen lehenengo aldiz. Bi urte geroago Euskal Herriko trikitixa txapelketa nagusira aurkeztu ziren biak, eta hura irabazi ondoren bikote gisa jarraitu zuten erromeria eta plazetan jotzen. 1998an ere garaipena lortu zuten txapelketa nagusian, eta hain zuzen ere, hori izan zen parte hartu zuten azken urtea.
Mikel Lizarralde


Jose Mari Sors	JOSE MARI SORS
	Joxemari Sors Errenterian (Gipuzkoa) jaio zen 1951an. Donostiako EUTGko fakultatean Enpresa Zientzietako ikasketak burutu zituen lizentziatura lortu arte. 1973an Ipar Euskal Herrian errefuxiatu zen eta han ezagutu zuen Joseba Jaka, zeinak Zabal aldizkariaren inguruan 1974an Zabal liburu denda sortu zuen Baionan. Iparraldeko zenbait euskaltzalek, hogei guztira, denak Iparraldekoak, Elkar argitaletxea sortu zuten 1972an. Bi urte beranduago Ipar Euskal Herriko 20 bazkideei Hegoaldeko beste 20 batu zitzaizkien, 40ko sortzaile-bazkide taldea sortuz, Sors tartean.
Jon Eskisabel


Unai Fresnedo	UNAI FRESNEDO, RADIATION
	Unai Fresnedo Bilbon jaio zen 1970ean. Musikarekiko zaletasuna lehenagotik zetorkion, baina 1989an sartu zen mundu horretan buru belarri. Urte hartan fanzine bat argitaratu zuen (“Brain dead” izenekoa, zenbaki bat baino ez zuen plazaratu) eta Bilboko Universal disko-dendan aritu zen. Handik Madrilera joan zen, Munster Records diskoetxean lan egitera. Madrilen urte bat eman ondoren, Euskal Herrira itzuli zen, eta hemen Radiation Records diskoetxe independentea sortu zuen. Disko garrantzitsuak argitaratu zituen Radiation Records-ek, horien artean El Inquilino Comunista Getxoko taldearenak, eta harreman estua izan zuen Unaik aipatutako taldearekin (taldekideek bosgarren kidetzat jotzen dute garai hartako hainbat elkarrizketatan). “Indie” edo rock independentearen sasoia izan zen hura, eta Euskal Herrian Getxo inguruan kokatu zen mugimendu hartako hainbat talde esanguratsu (“Getxo sound” izenaz bataiatu zuten garai hartako komunikabideek mugimendu hura).
Gotzon Hermosilla


Edurne Ormazabal	EDURNE ORMAZABAL
	Edurne Ormazabal (Tolosa, Gipuzkoa, 1963) EITBko (Euskal Irrati Telebista) Euskadi Gaztea irratiko koordinatzailea da haren sorreratik, 1990. urtean. Psikologian lizentziatua bada ere, komunikabideetan egin du ibilbide profesional osoa, prentsan, telebistan eta irratian aritua baita. Euskadi Gaztea euskarazko lehen irrati-formularen ardura bere gain hartu aurretik, Donostiako Herri Irratian eta Deia egunkarian egin zuen lan Tolosako berriemaile gisa, ondoren Antena 3 emisorean aritu zen, eta azkenik ETBko Katu Kale musika saioa aurkeztu zuen hiru urtez. Musikazaleok gogoan dugun saioa izan zen Katu Kale, eta Edurne Ormazabalek ere oroitzapen ezin hobea du programa hartaz. “Katu Kale oso garai polita izan zen, ikaragarri ikasi nuen, oso giro ona zegoen taldekoen artean eta gainera euskal rockaren unerik biziena, ez dakit onena baina bai biziena, azaltzea egokitu zitzaigun. Inolako baliabiderik gabe egin genuen, ordu asko lan eginez eta profesionaltasun falta ere bazegoen, baina jendeak eta musikariek asko eskertzen zuten, eta ez zegoen EITBrekiko geroago egon den errezeloa edo kontrako jarrera”.
Jon Eskisabel

Documento sin título

<<	Maiatza 2008					>>
Ast	Ast	Ast	Ost	Ost	Lar	Iga
			1	2	3	4
5	6	7	8	9	10	11
12	13	14	15	16	17	18
19	20	21	22	23	24	25
26	27	28	29	30	31
hil hau


MAIATZA ROCK, URTEROKO HITZORDUA IRUÑERRIAN
Maiatza Rock egitasmoaren edizio berri bat abian da. Iruñerriko rockzaleentzako ezinbesteko hitzordu honek askotariko taldeak biltzen ditu bere baitara. Hilaren 10etik aurrera, maiatzako larunbat guztietan kontzertuak ikusteko parada izanen da Burlatako Euskal Herria peñan, hala nola, Black Lagun, Governos, Karatekas, Sorkun & Vicepresidentes edota Lobo Electrico taldeenak, besteak beste.


MAREAREN AZKEN KONTZERTUA, TXARRENAREN LEHENENGOA
Mareak agur esanen die eszenatokiei denboralditxo batez maiatzaren 10ean, Iruñean. Las aceras están llenas de piojos diskoari lagundu dion biraren azken kontzertua izanen da. Festiabala Txarrenak irekiko du, El Drogasen aspaldiko taldea, orain berpiztu egin duena taldekide eta gogo berriekin.


Un día en el mundo Vetusta Morla • pop-rock
Modako taldea. Banuen disko hau eskuratzeko gogoa, bai jauna. Interneten eta fidagarritasun gutxiko beste hedabide berezituetan talde honen inguruan denetarik entzun eta gero, eta dena oso ona.


FastFatum FastFatum (Igor Calzada) • pop
Igor Calzadak eta Harkaitz Canok elkarlanean sortutako lana da Fastfatum deritzona. Aurrenekoaren etxean grabatutakoa (nabaritzen da, eta onerako, gainera), estilo nahasketa aberatsa da ondu dutena.


Kateak Jone • kantautore
Melodia argitsuekin eta bere ahotsarekin ondu du Jone anoetarrak bere bigarren lana. 11 kanta eta beste hamaika “istorio”, horrenbestez, berak esan duen moduan.

footer