Iruñeko Kale Nagusian Akelarre kultur elkarteko kidea den Punkik zabaldu duen punk estiloko arropa dendan izan zen aurkezpena. Juantxok, akordeoilari baten laguntzaz, diskoko hainbat kantu jo zituen formatu akustikoan. Denda toperaino beteta zegoen, adin guztietako entzuleriarekin. Azaldu zuenez, egunean berean entseatu eta prestatu zuten saio akustikoa.

Abesti berrien lerro nagusia dastatu ahal izan genuen, Punkik ateratako zerbeza bat eztarriratu bitartean, baina The Kluba sei pertsonez osatutako banda bat da, non oinarri erritmiko eta gitarrez gain, pianoa eta metalak ere dauden.
The Klubaren bigarren diskoa lehenegoa utzi zuten puntutik abiarazi dutela dirudi, doinu rockzale klasikoak Jamaikako sustraiekin uztartzen segitu dutelako, metalen presentzia areagotuz, hori bai. Hitzei dagokienean berriz, mezu ezkertiarrak, prostesta eta matxinada topatuko ditugu, gaztelaniaz ia goitik behera. 
Amor, Odio eta Ruido Garate estudioetan (Andoain, Gipuzkoa) grabatua izan da Kaki Arkarazo, Martxel Arkarazo eta Triku Villabellaren eskutik.