Kontzertu berezia izango da bi taldeentzat. ANESTESIAK bere azken diskoarekin ekin zion birari amaiera emango dio. Terapia diskoarekin Putzuzulon bertan eman zion hasiera birari eta hainbat urtetako geldialdia moztu zuten Zarauzko gaztetxean bertan izan zen gau eta kontzertu gogoangarri batekin. Putzuzulo leporaino bete zen eta sartu ezinda ere geratu zen jende mordoxka bat.
Orain, euskal herri osoan zehar geratu gabe jotzen aritu ostean Putzuzulora datoz bira amaitu eta zikloa amaitzera. Berezia izango da eta lehen kontzertu hura gozatu zutenek badakite zertaz ari garen.

Bestalde, ERANTZUNentzat ere kontzertu berezia izango da. Urria bukaeran disko berria atera eta zuzenekotan aurkezteko zirenean taldekide batek min hartu eta kontzertuak bertan behera utzi behar izan zituzten. Bi hilabetez kontzerturik eman gabe egon ostean jada prestatzen ari dira urtarrilaren 17an disko berria aurkezteko. Etxean, lagun artean eta geldialdiaren ostean inoiz baino gogo gehiagorekin arituko dira.


* ERANTZUN-en Hazia ernaltzen duen tanta doan deskargatu dezakezue hemen: www.mundurat.net/erantzun

Diskoa berria erosteko: Cooperaccion rcds - basquegrind@gmail.com