Berak sortutako doinuez gain, John Hiatt-en bi bertsio ere prestatu ditu Duhaldek. Ezaguna da Arrangoitzeko kantariak estatubatuarrari dion miresmena, eta inoiz bere kanturen bat sartu izan du bere diskoren batean.
Ibilean zuzeneko diskoa da eta Anjeren agertoki kuttunak diren Bilboko zein Ondarroako Kafe Antzokietan izan zen grabatua. Teknikariak Maikel Garcia eta Mikel Ugarte izan dira, eta, nahasketak eta masterizazioa Berako Mik estudioan egin ditu Maikelek.



 
Hamar urte baino gehiago daramatza talde egonkorrarekin, eta, oso eroso sentitzen da. Oholtza gainean, Iñigo Telletxea beratarra (baxua), Remy Gachis uztariztarra (gitarra) eta Txomin Duhalde semea (bateria) izan ditu bidaide. Eta Urbil Artolak bere lapsteel gitarrarekin hiru kantutan kolaboratu du.


Laugarren zuzenekoa
Anje Duhalek 2006. urtean, Sorminetan kaleratu zuen, estudioko bere azken lana. Aldiz, eskarmentua badu zuzeneko grabazioetan: 1978an grabatu zuen lehen zuzenekoa, Errobiren Bizi bizian, eta beste bi ere baditu; 93ko Zuzenean bakarlari gisa, eta Georges Brassensi omenaldi diskoa, 2001ean hirukote moduan Baionan grabatua. Honakoa laugarrena da, beraz. Anje Duhalde, batez ere, zuzeneko animalia dugu, eta, kontzertuetan transmititzen duen energiaz baliatuz, Ibilean honetan ere bere kantu sentikorren uger zaporea dastatu ahal izango dugu, iturri agortezin bat balitz bezala.