Egungo gizarteak bizi duen alienazioaren aurkako aldarria da
Gipuzkoa, Araba eta Nafarroa Beheretik datoz Arramazka taldeko kideak. 2009an sortu zuten taldea eta orduz geroztik bi disko argitaratu dituzte: Arramazka (2010) eta Argilunpetan (2012). Orain, Aski da
kantua eta bideoa plazaratu dute, The Cure taldearen A Forest kantuaren irakurketa berria . Aro abeslariak halaxe azaldu digu: "Abestia eta bideoa, gaur
egungo jendarte alienizatzailetik esnatzeko
oihu bat dira. Antolatu eta alienatzen gaituen horren aurka borrokatzeko
oihua, zapaltzen gaituen horren aurrean matxinatzeko oihua, proiektu
askatzaileen alde ekiteko oihua, artaldetik ihes egiteko gonbita. Aske
izan arte!"
Arramazka taldea Aitzol (gitarra), Goiku (bateria), Isra (baxua) Doiu (bateria)
eta Arok (ahotsa) osatzen dute, "baina Arramazkaren alboan jende gehiago
egon da eta dago, beren ekarpena egiten. Bideoa egiteko
hainbat lagunek parte hartu dute. Marrazkiak Saul Kurtorenak dira eta bideoaren muntaia Konspiratzaile poetiko batenak. Jijiji, lotsatia da eta horrela deitzea gustatzen zaio", azaldu digu Arok.
Arramazka taldea 2009ko udan sortu zen. Jam sesioak eginez
hasi ziren, jolas moduan, Arramazka gorpuztu zuten arte. Hasieran Aitzol
(gitarra akustikoa), Goiku (biolina eta pianoa), I