Kartela prest dago, disko jartzaileak euren bildumetako diskorik beroenak ari dira aukeratzen, itsasoaren bestaldean soul izar handiak errepertorioari azken ukituak ematen ari dira. Hilabete bat baino ez da geratzen soularen festa handia hasteko. Soulari gorazarre egiten dion Mojo Workin' jaialdia hain zuzen ere, aurten bere seigarren ediziora heldu dena (eta muskulua ateratzen aizue!).
Izan ere, antolatzaileek musika beltzaren maitaleak aho bete hortz utzi dituzte beste behin. Jokin eta Arkaitz bikote nekaezinak badu honetan errurik. Dee Dee Sharp, Maxine Brown, Mable John eta The Velvelettes izango ditugu zuzenean kantatzen, den denak emakumezkoak, eta soularen historian letra larriz idatzi beharreko izenak. Horregatik,