Estatuko musika elektronikoaren gaineko jaialdirik garrantzitsuenak hainbat izen jakinarazi zituen aspaldi, tartean The Roots hip hop talde mitikoa, Fat boy slim musikari ezaguna, jaialdi honetan ohiko artista bilakatu den Richie Hawtin, Deadmau5 eta Laurent Garnier-en proiektu berria den L.B.S.
Aste honetan egitarau zehatza argitaratu dute eta tiket guztiak salgai jarri.

Azpimarratzekoa da Amon Tobin musikari brasildarraren ikuskizuna. Musika elektronikoko iraultzaileetako bat izanik, ISAM diskoaren bira jende askoren artean prestatutako ikusentzunezko muntai oso bereziaz osatu du, izugarrizko arrakasta lortuz.