Abian da jada euskal taldeentzako (euskaraz kantatzen duten taldeentzako, alegia) Banden Lehiaren VII. edizioa. Izena emateko epea zabalik da jada urriaren 13ra arte: lehaiketan parte hartzeko, taldearen izena eman behar duzue ondoko webgunean: www.bandabeat.eus. Bertan, euskaraz sortzen duzuen musika partekatu eta... zorte on!!!

Antolatzaileen esanetan, "gero eta maila handiagoa erakusten dute lehiaketan parte hartzen duten taldeek eta sari aldetik ere bilakaera nabarmena eman da. Gero eta desiragarriagoak izaten dira".
Banden Lehiako talde irabazleak 2016ko Bilbao BBKLive eta Bartzelonako Euskal Herria Sona jaialdietan joko du; eta gainera, disko bat ekoiztuko du.