Musikaren industriaren eragileak zein teknologia berrienak edota moda arlokoak elkartu eta euren arteko harremanak sustatzeko espazioa izan asmo du BIMEk, negozio berriak sortzeko zein esperientziak elkar trukatzeko. Honekin batera, musika sektoreko enpresen merkatu bat ere egonen da (diskoetxe, jaialdi, plataforma digital, gizarte-sare, eta trebakuntza-zentro ugarik, besteak beste, euren jarduerak, azken berriak edota euren produktuak zuzenean salduko dituzte) eta, asteburuan, zuzeneko emanaldiak.

Azaroaren 19tik 23ra, Bilbo nazioarteko musikaren erakuslehio bihurtuko da, Bizkaia International Music Experience izeneko musika azokari esker. Batetik, sektoreko profesionalak bilduko dira bertan, negozio aukera berriak aztertzeko, baina publiko zabalak ere aukera izanen du azokan edota zuzeneko emanaldietan parte hartzeko.
BIMEko webgunetik "lapurtu" dugun grafiko honetan laburbiltzen dira azoka honen nondik norakoak:

• Parte hartzeko zein publiko gisa sartzeko, kokalekua, informazio erabilgarri guztia, azoka zein zuzeneko ekitaldien inguruko informazioa... den-dena BIMEko webgunean aurkituko duzue.