Honakoa urte berezia da ezbairik gabe Entzunentzat. Izan ere, badira 20
urte egitasmoa jarri zenetik. Bere momentuan apustu ausarta izan zen
moduan, egun musikari buruz euskarazko aldizkari espezializatu bat
argitaratzeko erronka ez da nolanahikoa. Urteurrena ez da, ordea,
aurtengo nobedade bakarra. Izan ere, pasa den maiatzean Xabier Sagardiak
Entzunen zuzendaritza utzi zuen 14 urteko ibilbide luze bati amaiera
emanez. Lerro hauek probestu nahi ditugu Xabierri eskerrak emateko urte
guzti hauetan egindako lan itzelagatik. Horren harira, berrantolaketa
prozesu bati ekin diogu eta atari hau bien bitartean gelditu da agenda
izan ezik. Barkamenak eskatu nahi dizkizuegu honengatik.
Baina Entzun! bizirik segitzen du eta gainera bi nobedadeekin gatoz
Durangoko Azokarako. Batetik, Entzun!66 disko-liburu berria, edukiz
gainezka eta bilduma zoragarri batekin berriz ere. Eta bestetik, Aho
Bete Doinu 2 elkarrizketa liburua. Izan ere, aurten 15 urte bete baitira
Aho Bete Doinu liburuak argia ikusi zuenetik. 15 urte hauetan euskal
musikagintzaren panorama (eta orokorra) ikaragarri aldatu da eta liburu
berri honekin, bi garai hauen arteko aldea ikusteko parada dugu.
Azkenik, aipatu nahi dizuegu urteurrena probestu nahi dugula proiektuari
bultzada berri bat emateko. Iraganari baino gehiago, etorkizunari
begiratu nahi diogu. 20 urte hauek primerakoak izan dira. Hutsune bat
bete dugu, lan asko egin dugu, lagunak ere bai, ongi pasatu dugu.
Baina hemendik aurrera, zer? Nola hobetu eta aberastu gure edukiak?
Zein kanal erabili beharko genuke? Nola iritsi musikazale
gehiagorengana? Ideia batzuk baditugu. Intuizioak akaso. Baina uste
dugu Entzun!
familia osatzen duzuen guztiek zeresan handia duzuela honetan.
Aurrera egingo badugu, hedabide