Bizkaiko trikitixa elakrteak antolatzen du lehiaketa.
Diskorik argitaratu ez duten talde edo bakarlariak bakarrik aurkeztu ahal izango dira. Taldea aurkezten bada,
gutxienez taldekide bat bizkaitarra izan beharko da
Martxan da Bizkaiko Trikitixa Elkartearen maketa lehiaketa. Edozein musika
estiloko talde edo bakarlariek parte hartu ahal izango dute, baina derrigorrez, pieza guztietan
trikitixa edo/eta panderoa jo beharko dira. Izena emateko epea ekainaren 30ean amaituko da.
OINARRIAK- Edozein adinetako talde edo bakarlariak aurkeztu
ahal izango dira. Adin txikiko parte hartzaileek guraso edo tutoreen
baimena aurkeztu beharko dute.
- Taldea aurkezten bada,
gutxienez taldekide bat bizkaitarra izan beharko da. Bakarlarien kasuan
derrigorrez bizkaitarrak izan beharko dira.
- Edozein musika
estiloko talde edo bakarlariek parte hartu ahal izango dute eta edozein
musika tresna jo ahal izango da, baina, derrigorrez, pieza guztietan
trikitixa edo/eta panderoa jo beharko dira.
- Diskorik argitaratu ez duten talde edo bakarlariak bakarrik aurkeztu ahal izango dira.
- Lehiaketa honetara aurkeztutako piezek letrarik izanez gero, hauek euskaraz izan beharko dira.
- Aurkeztutako piezak trikitixa eta musika munduko lau epaimahaikideek
baloratu dituzte. 1etik 10era hurrengo atalak puntuatuko dira:
originaltasuna, musika tresna ezberdinen menperatzea (teknika),
afinazioa eta kalitatea
- Sari bakarra egongo da, puntu gehien
lortu dituen talde edo bakarlariarentzako. Saria hauxe izango da:
Iurretako Txirula musika dendan gastatzeko 500 euroko bonoa eta
2015eko azaroan Getxon ospatuko den Nazioarteko Trikitixa Jaialdian
jotzea. Nazioarteko Trikitixa Jaialdian jotzeagatik irabazleak 400
euroko katxeta kobratuko du. Lehiaketara piezak aurkezteko orduan,
kontuan izan beharko da aukera hau, izan ere, Nazioarteko Trikitixa
Jaialdian taldeak formatu txikikoak izan behar dira (gehienez 3
musikari). Eta, noski, maketa lehiaketan aurkeztutako piezak formatu
txiki horretan oholtza gainean defendatu ahal izateko modukoak izan
beharko dira.
2015eko azaroan Getxon ospatuko den Nazioarteko Trikitixa Jaialdian
jo ahal izango du irabazleak eta 400
euroko katxeta kobratuko du
- Epaimahaiak eman gabe utzi ahal izango du saria eta epaimahaiaren erabakia apelaezina izango da.
- Parte hartzaileek 2015eko ekainaren 30a arte izango dute epea zabalik
euren piezak Bizkaiko Trikitixa Elkartera bidaltzeko. Hiru pieza bidali
beharko dituzte formatu digitalean bizkaia@trikitixa.net helbidera.
Horrez gain, izen-emate fitxa beteta bidali beharko da, eta, adinez
txikikoen kasuan, guraso edo tutoreen baimena ere.
- Irabazlea irailaren 7an emango da ezagutzera.
- Maketa lehiaketara aurkeztutako piezen autoretzaren inguruko gatazkarik
sortuko balitz, parte hartzailea izango da horren erantzule eta aldeen
artean konpondu beharko dute. Bizkaiko Trikitixa Elkarteak ez du horren
inguruko ardurarik izango.
- Aurkeztutako piezak webgunean edo sare-sozialetan hedatzeko baimena izango du Bizkaiko Trikitixa Elkarteak.
- Lehiaketa honetan parte hartzeak oinarri hauek onartzen direla esan nahi du.
*** Informazio gehiago: www.bizkaikotrikitixaelkartea.combizkaia@trikitixa.net 665 716 390
Facebook: Bizkaiko Trikitixa Elkartea