entzun.com

Musika albisteak
eta agenda astero
zure postontzian!


| Sindikatu - RSS | Testu tamaina AAA

Berriak

bidali zure berria Bidali zure berria
Entzun! 2015-10-01

Bonberenea Ekintzak zigiluaren udazken-neguko nobedadeak

HAN! taldea. HAN! taldea.

HAN!, Bad Sound & Glaukoma eta Bi Bala taldeen lan berriak aurkeztu dituzte dagoeneko

Euskal diskogintzaren sasoi oparoenean bete betean gaude sartuta. Urteko azken uzta (handiena bidenabar) jasotzeko tenorea dugu orain. Diskoetxe, kolektibo, plataforma zein bakarkako taldeak euren disko berriak iragartzen ari dira egunotan.
Lan batzuk atera dira jada, beste batzuek hemendik oso gutxira ikusiko dute argia. Eta Tolosatik ere nobedade freskoak datozkigu: hiru disko hain zuzen ere, Bonberenea Ekintzak markaren pean. Hauexek:

  • HAN!

Indie rockaren uretan mugiltzen den energiaz betetako taldea da HAN! Lehen diskoa dute hauxe, baina kasu, eskarmentu handiko zenbait musikariez osatua baitago taldea: Gorka (Ama Say, Non demontre, Yakuzi, etab.) eta Karlos (Lisab taldearen teknikari). Nerearentzat ordea (ahotsa), aurreneko proiektu musikal ezaguna da eta baterian, berriz, Miguel daukagu erritmoa zorrotz eta indartsu mantentzen.
Diskoa Bonberenea gaztetxeko estudioan izan da grabatua, nahastua eta masterizatua Karlos Osinagaren eskutik 2015eko udan.

Kantu zerrenda:
01 - Madamme
02 - Igeri egiten
03 - Muxuak
04 - Poesia
05 - Haurra
06 - Desioak
07 - Mugitzen
08 - Narru azal mendiak
09 - Han

*** Entzun:
http://www.bonberenea.com/bonberenea-ekintzak/albums/han/


  • BAD SOUND ETA GLAUKOMA
Elkarlanaren fruitua da Sua Zaintzen singlea. Bad Sound eta Glaukoma taldeek bat egin dute berau argitaratzeko abesti banarekin. Batak bestetik kantua Bonberenean grabatu eta nahastua izan da Karlos Osinagaren gidaritzapean. Ander Altuna eta Aitzol Moneo (tronpeta eta tronboia) musikariek kolaboratu dute. Bizitzaren antzerkia kantua berriz, Irungo GUA estudioan grabatu eta Berako MIK estudioan nahastua izan da Maikel-en eskutik. Diseinua, berriz, Rebel Sounds kolektiboko partaide den Roberto Ramirez Punker artista mexikarrarena da.
Bi abesti, bi talde, bi ikusmolde baina helburu bakarra: reggaearen sua zaindu eta zabaltzea Euskal Herrian zehar. Gorputzak eta buruak horrela eskatu dietelako sortu dute binilo (EP) + CD formatuan kaleratutako gutixia hau..

Kantuak
A aldea - Bata bestetik
B aldea - Bizitzaren antzerkia

*** Entzun:
http://www.bonberenea.com/bonberenea-ekintzak/albums/espanol-glaukoma-ta-bad-sound-sua-zaintzen/



  • BI BALA
Bueltan da Alegia, Ataun eta Orioko kideak biltzen dituen laukotea. Kaleratu zuten aurreneko diskotik urtebete ere igaro ez denean (Wasabi, 2014), bigarren lana gauzatu eta argitaratu dute: Gure eroyak.
Bonberenea Ekintzak plataformak ekoiztua, Karlos Osinaga izan da grabazio, nahasketa eta masterizazioaren arduraduna. Bonberenea gaztetxeko estudioan, 2015eko udan grabatua izan da aipatutako diskoa. Taldekideek definitzen duten moduan, "Bertso-rock" estilo deigarriaren erreferente da 2013ko bertso saio berezi batean jaiotako proiektu hau.
Izan ere, bi elementuetatik asko du Bi Bala-k. Aitzol Barandiaran ataundarra eta Iaki Gurrutxaga oriotarra dira abesteaz arduratzen direnak. Biak bertsolariak, azkenak gitarra jotzeko ardura ere bere gain darama. Xabier Etxeberria Pitxu (baxua) eta Julen Goikoetxea (bateria) musikariek osatzen dute taldea.

Kantuak:
01 - Dabiltzan harriak
02 - Zuloak edo apaizac obeto
03 - Gure heroiak
04 - Psikologo flowepowerrei jarri
05 - Kontraesanak
06 - Zurikeriatan beltz
07 - Im basque
08 - Bai, bai, gizontxo
09 - Familia sakratua (Nueva Vulcano cover)
10 - Ertzainak

*** Entzun:
http://www.bonberenea.com/bonberenea-ekintzak/albums/bi-bala-_-gure-eroiak/

bidali zure berria Bidali zure berria
Erlazionaturiko edukiak
Bidali zure iruzkina


kaptxa

bai, ezagutzen dut datuen erabilpen politika eta onartu.

bai, entzunen buletina astero jaso nahi dut.