entzun.com

Musika albisteak
eta agenda astero
zure postontzian!


| Sindikatu - RSS | Testu tamaina AAA

Berriak

bidali zure berria Bidali zure berria
Myriam Garzia 2014-11-24

Bukatu da Berri Txarrak-en estiloen gerra

Bilbon izan gara gaur goizean (hilak 24) 'Denbora da poligrafo bakarra' (Only in Dreams) diskoaren aurkezpenean

Berri Txarrak-ek eman duen prentsa agerraldiaren une bat. Argazkia: Myriam Garzia Berri Txarrak-ek eman duen prentsa agerraldiaren une bat. Argazkia: Myriam Garzia
Lotura erlazionatuak
Dagoeneko kalean da disko hirukoitza


Orain arte egindako ariketa musikal zabalena, anitzena eta aberasgarriena aurkeztu dute gaur (hilak 24) Bilboko Kafe Antzokian Berri Txarrak taldeko kideek. Denbora da poligrafo bakarra (Only In Dreams, 2014) taldearen estudioko 8. lana aurkezten izan dira Gorka Urbizu, Galder Izagirre eta David Gonzalez.
Nondik gatozen, gure sustraiak ahaztu gabe; baina gure espektro musikala erabat zabaldu da, hazi gara, aberastu. Inork ez jakitea zer etorriko den orain, alde batetik ardura da, baina, baita ere, oso erronka erakargarria, batez ere, orain, askatasun osoa daukagulako edozein gauza egiteko. Kantuekin pozik gaude eta hori da garrantzitsuena, estiloen gerra hori amaitutzat jo dezakegu. Hau da Berri Txarrak, zailkaezina, ezin da sinplifikatu, esan du Gorka Urbizuk taldeak egindako ahalegin bereziaren inguruan, 20 urte 20 abesti leloari iltzatutako ekimen honetan.

Inork ez jakitea zer etorriko den orain, alde batetik ardura da, baina, baita ere, oso erronka erakargarria, batez ere, orain, askatasun osoa daukagulako edozein gauza egiteko (...). Estiloen gerra hori amaitutzat jo dezakegu. Hau da Berri Txarrak, zailkaezina, ezin da sinplifikatu

Hiru EP biltzen dituen disko berriak, rockaren hiru ikuspuntu, musika ekoizteko, entzuteko eta sentitzeko hiru modu garatzen ditu, nazioarteko mailan ezagunak diren hiru ekoizle desberdinen eskutik: Venicen (Kalifornia) grabatu dute Sutxakurrak lehen EP-a, Ross Robinson (At The Drive-In, Slipknot, The Cure) ekoizlearekin batera, rockaren soinu astunak lagun dutela; bigarren EP-a, Helduleku Guztiak, Madrileko Estudios Renon grabatua, Ricky Falknerren (Standstill, Lori Meyers, Love of Lesbian) eskutik, pop doinuak nagusi dituen diskoa; eta azkenik, Coloradoko Bill Stevenson (Rise Against, NoFX, Alkaline Trio) ekoizlearengana jo dute, punk doinu azkarrak eta zuzenak biltzen dituen Xake Mate Kultural Bat, hirugarren EP-a grabatzeko asmoz.

Aurreiritziak eta beldurrak estudioaren atean utzi eta, musikalki egindako ariketa nabarmendu dute taldekideek. Hiru ekoizle desberdinekin lan egiterakoan ohartzen zara bakoitzak duen lan egiteko moduaz, eta adi egonez gero, pilo ikas dezakezu. Hala ere, ekoizle bakoitzak du bere modua, eta, kasu honetan, ez daukate zerikusirik euren artean. Abestiek ondo egituratuta egon behar dute estudiora sartu orduko, baina aldi berean irekita egon beharra duzu, beste norbaiti zure kantuetan eskua sartzen uzteko. Ausardia behar da horretarako... Berri Txarraken estiloa erabat ezaguna bada ere, interesatzen zaiguna abesti horiek nolako soinu desberdindua har dezaketen ekoizpenaren arabera. Nik uste, disko honekin asmatu dugula, esan du Gorka Urbizuk.

Abestiek ondo egituratuta egon behar dute estudiora sartu orduko, baina aldi berean irekita egon beharra duzu, beste norbaiti zure kantuetan eskua sartzen uzteko. Ausardia behar da horretarako

Beraiek asmatu dute abesti bakoitzak behar zuen apaindura, baina abestiak erabat egituratuta zeuden, ekoizleek gainbalioa eman diote, jarraitu du Galder Izagirrek.
Sormen prozesu luze eta gogorrean zehar, ekoizlearen arabera eta bakoitzari zegozkion abestiak konposatzen joan dira Berri Txarrakeko kideak. Aldez aurretik zehaztuta genuen ekoizle bakoitzak grabatu behar zituen abestiak eta horrek norabidea zehaztu digu, norantz jo nahi duzun, beti ere, atea zabalik utzita, beraiek zer egingo duten zehazki jakin gabe, adierazi du David Gonzalezek.
Hau ez da Berri Txarrak-en estilo desberdinak atalka biltzen dituen diskoa, baizik eta hiru diskoetan taldearen garapen bat dago, aurrerapauso bat. Letretan ere badago, ahalegin bat  aurrera egiteko, azaldu du Urbizuk.
bidali zure berria Bidali zure berria
Erlazionaturiko edukiak
Bidali zure iruzkina


kaptxa

bai, ezagutzen dut datuen erabilpen politika eta onartu.

bai, entzunen buletina astero jaso nahi dut.