Donostiako Piratek urtero antolatzen duten musika lehiaketa martxan da. Aurreko urteetako esperientzia ona, urtero izaten duen harrera ezin hobea eta parte hartze zabala ikusirik, aurten ere musika lehiaketa antolatzea erabaki dute. Dagoeneko irekita dago parte hartzeko epea.


:: OINARRIAK ::

> Donostia eta inguruetako musika taldeei zuzendua (Oarsoaldea: Pasaia,
Errenteria-Orereta, Lezo eta Oiartzun; eta Buruntzaldea: Andoain, Hernani, Astigarraga,
Usurbil eta Lasarte-Oria).
> Maketa edo disko auto-ekoiztu bat (gehienez) argitaratu duten taldeek parte
har dezakete. Hasiberriei dago zuzendua ekimena.
> Musika estilo bereizketarik ez da egingo, baina oreka bat bilatuko da hautaketari
begira.
> Hizkuntzari dagokionez, euskaraz abesten duten taldeek lehentasuna izango dute.
> Parekidetasuna kontutan hartuko da.
> Parte hartzeko talde bakoitzak 3 abesti eta taldearen informazioa
(biografia laburra, argazkia eta harremana) bidali beharko ditu Donostiako Piraten
posta elektronikora: izanpirata@gmail.com
> Parte hartzeko epea maiatzaren 25ean bukatuko da.
> Aurkeztutako lan guztien artean, sei talde sailkatuko dira Donostiako Kafe Antzokian(DOKAn) egingo diren zuzeneko finalerdietarako. Hiruna talde egun bakoitzeko, Maiatzaren 31a ostirala, eta Ekainaren 7a ostirala.
> Zuzenekoetan epaimahaiak taldeen jarrera eta proposamena baloratuko du.


:: SARIAK ::

> Finalerdietako bi talde hautatuek Donostiako Piraten Aste Nagusian kontzertua 
eskainiko dute, Donostiako Piraten gunean. Epaimahaiak talde 1 aukeratuko du eta 
kontzertuetara hurbiltzen diren lagunek bigarrena.

izanpirata@gmail.com | www.izanpirata.info
twitter: twitter.com/izanpirata