entzun.com

Musika albisteak
eta agenda astero
zure postontzian!


| Sindikatu - RSS | Testu tamaina AAA

Berriak

bidali zure berria Bidali zure berria
2014-05-20

Eguzki Festibala Bilbon eta Tafallan

Eguzki Festibalaren kartela. Eguzki Festibalaren kartela.
Juantxo Skalari & La Rude Band, Ze Esatek! eta Glaukoma taldeek indarrak batu dituzte eta zuzenean joko dute maiatzaren 23an eta 24an hurrenez hurren


Doinu jamaikarrak oinarri dituen jaialdia antolatu dute asteburu honetarako: Eguzki Festibala. Hiru talde dira kartela osatzen dutenak, jatorri beretik abiatuz hiru emaitza guztiz desberdinak lortzen dituztenak.
Bi data iragarri dituzte. Lehenengoa Bilboko Santana 27 aretoan izango da, maiatzaren 23an, 20:00etatik aurrera. Bigarrena Tafallako Kube aretoan, maiatzaren 24an, 20:00etatik aurrera.



TALDEAK

  • Juantxo Skalari & La Rude Band
Skalariak sortu zenetik 20 urte beteko dira 2014ko urrian. Juantxok eta bere anaia Peiok sortu zuten Irueko ska talde arrakastasua. Orain, berriz elkartu dira Rude Station diskoa grabatzeko. Horretarako, La Rude Band izeneko talde berria izango dute bidelagun. Crowfounding sistemaren bidez aipatutako diskoa finantzatzeko kanpaina abiatu dute. Asmoa da irailean Garate estudioetan grabatzea eta urrian kaleratzea. Hemen duzue Verkamiren linka:
http://www.verkami.com/locale/eu/projects/8840-juantxo-skalari-la-rude-band-grabacion-y-edicion-de-rude-station

  • Ze Esatek!
Doktore bilakatu zitzaizkigun 2013 urte amaiera euren azken diskoa argitaratu zutenean. Doktore eroak, denak esan beharra dago. Ordutik, ez diote Ibuprofeno pilulak banatzeari utzi. Xedea publikoa ongi pasaraztea da. Horretarako, ska eta punka nahasten dituzte irabiagailu ultraenergetiko batean. Abiadura!

  • Glaukoma
Duela gutxi hitz egin genuen Tolosaldeko reggae talde honi buruz. Drum&bass-a, dancehall-a, raggamuffin-a, rock zertzelaldak, dub giroak, reggaea... aurkituko ditu entzuleak euren azken diskoko zazpi abestietan, euskaraz eta gaztelaniaz interpretatuta. Reggaea eta rapa, eskutik helduta.


* Sarrerak: 12 / 9
www.kulturalive.com
bidali zure berria Bidali zure berria
Bidali zure iruzkina


kaptxa

bai, ezagutzen dut datuen erabilpen politika eta onartu.

bai, entzunen buletina astero jaso nahi dut.