EH Sona lehiaketaren bigarren edizioa martxan da!
Dagoeneko, lehiaketara aurkezteko epea zabaldu dute eta irailaren 8an bukatuko da
Hemen da
EH Sona lehiaketaren bigarren edizioa.
Bartzelonako Euskal Etxeak
antolatuta, euskaraz abesten duten talde eta bakarlariei zuzenduta
dago. Aurtengo irabazleak,
Gatiburekin joko du
Razzmatazz areto ezagunean EH
Sona jaialdiaren barnean.
Ondorengo lerroetan, lehiaketa honetan parte hartzeko argibideak doazkizue:
OINARRIAK 1)Euskaraz abestu eta EH Sona jaialdian inoiz parte hartu ez duten talde
eta bakarlari orok parte har dezake lehiaketan. Ez da inolako mugarik
jarriko musika estiloari dagokionez.
2) Saria Bartzelonako Euskal
Etxeak antolatzen duen EHSona 2013 jaialdiaren barnean kontzertu bat
eskaintzea Bartzelonan, Razzmatazz aretoan GATIBU taldearekin batera.
Euskal Etxeak bere gain hartuko ditu taldearen bidaia, loa eta afari
gastuak.
3) Lehiaketan parte hartzeko gutxienez hiru abesti bidali beharko dira.
4) Lehiaketaren egutegia hau izango da:
- Uztailaren 1etik irailaren 8ra: lehiaketara aurkezteko epea
- Irailaren 18an: irabazlea jakinaraziko da.
- Azaroaren 23an: kontzertua.
5) Kontzertua gutxienez 30 eta gehienez 50 minutukoa izan beharko da.
6)
Abestiak formatu digitalean bidali behar dira eta Bartzelonako Euskal
Etxeak bere webgune eta blogean erabiliko ditu lehiaketa eta
kontzertuaren berri emateko.
7) Epaimahaia Euskal Herrian eta Bartzelonan musika munduan lan egiten duten hainbat lagunek osatuko dute.
8)
Parte hartzaileek jabetasun intelektualari buruzko indarrean dagoen
legediarekiko edozein lege-hauste ez dela antolatzaileen ardura
baieztatzen dute.
9) Lehiaketan parte hartzeak oinarri hauek onartzea dakar.
10) Antolakuntzak, ezinbesteko baderitzo, oinarri hauetan aldaketak egin ahalko ditu eta behar bezala jakinaraziko ditu.
11) Informazio gehiago eta lanak bidaltzeko:
Bartzelonako Euskal Etxea
Centre Cultural
Placeta Montcada 1-3 08003
(Entrada per Arc de Sant Vicen