Abian da EHrZ musika lehiaketa. Izena emateko epea ireki dute jada eta martxoaren 1ean itxiko da. Dakizuen moduan, iaz Euskal Herriko eremutik nazioartera zabaldu zuten deialdia, nahiz eta hasierako filosofiari eutsi dioten: artista berriengana jotzea, festibalean aritzeko aukera eskainiz. "Helburua da gure festibala hitzordu garrantzitsua bilakatzea kultura minorizatuetako gazte engaiatuen artean", adierazi dute antolatzaileek. "Aurten, berriz, hizkuntza eta kultura minorizatuen inguruan izango da proiektua, baina Europako populuetan zentratuz. Proiektu honen bidez talde amateurrei haien musika ezagutarazteko aukera eman nahi diegu, baina baita ere haien herrien egoeraz informatzeko parada izan nahi dugu".

Adierazi dutenez, aurten EHZ elkarteak joan den urteko apostua berretsi nahi du, garrantzia handiagoa emanez EHrZri. Joan den urtean izugarrrizko arrakasta izan zuen lehaiketak: 90 taldek izena eman zuten, horietariko 11 festibalean aritu ziren eta guztira 15 herri ezberdin ordezkatuak izan ziren.

• Lehiaketaren Egutegia (2015)

Izen emateen hasiera: 2015ko urtarrilaren 22a
Izena emateko epe muga: 2015ko Martxoaren 1a
Bozken hasiera: 2015ko Martxoaren 02a
Bozken amaiera: 2015ko Martxoaren 31a