Naziaorteko zein Euskal Herriko taldeak hartuko ditu beste behin EHZ jaialdiak hiru egunez: ekainaren 29tik uztailaren 1era. Izen handien artean Sepultura eta Public Enemy nabarmentzen dira, baina kontuz, hemen denetarik dago eta gustu guztientzako: Gojira frantziarren muturreko metaletik The Abyssinians-en roots reggaera doan eskaintza irekia (begiratu atxikitu dugun jaialdiaren esku orria PDF formatuan; bertan jaialdiaren inguruko informazio guztia daukazue!).
Eta noski, urtero bezala, kale animazioa, antzerkia eta musika, tailerrak, gogoetarako gunea... eta abar luze bat izanen dira gozagai.