Bizi Musika saio berria!
Euskarazko bideoklipek merezi duten tartea izango dute telebistan. Hain zuzen ere, Hamaika Telebistak BIZI MUSIKA
izeneko saioa jarri du martxan, eta astelehenetik ostiralera euskal
taldeen askotariko bideoak eskainiko dituzte 16:30etik aurrera.
Telebistako arduradunek jakinarazi dutenez, bideoklipa da egun talde
askorentzat promozio bide eraginkorrenetakoa. Horrela, azken urteetan
taldeek lan
berri bat argitaratu orduko abesti batekin edo hainbatekin bideoa
osatzen dute. Asko dira gurean egin diren bideoklipak. Horien bilduma
egokia egin eta eskaintzea da Bizi Musika tartearen helburua.
Astelehenetik ostiralera, 16:30etik aurrera, Hamaika Telebistan ikusi ahal izango da (LTD, Euskaltel zein
Internet bidez).
David 2014-05-07 13:32:45
Egun on, Kaso Mai-rekin egin dugun bideoklipa uzten dizuet:
http://m.youtube.com/watch?v=RJuR43O3Mzw