Aukeratutako abesti guztiek balio sinboliko eta pertsonal berezia dute Garirentzat.
Diskoak ez du izan aurrez landutako eskemarik, oinarrizko musika-lan bat da, xumea soinuari dagokionez. Hainbat musikarik hartu dute parte, tartean Patti Smith abeslariak.

Diskoetxetik aurreratu digutenez, "16 abestiek harridura sortuko dute, erabat berrituta agertzen baitira, moldaketak eta xehetasunak sartu zaizkie. 16 lore diskoarekin Garik beste urrats bat eman du, lehen baino bizitasun eta indar gehiago nabari zaio".
Halaber, Elkarretik esan digutenez, Gariren aro hau asko aberastu da Kongoko hilabete batzuetako egonaldiarekin; proiektu humanitario bateko partaide, erronka pertsonala izan da hango egonaldia.