entzun.com

Musika albisteak
eta agenda astero
zure postontzian!


| Sindikatu - RSS | Testu tamaina AAA

Berriak

bidali zure berria Bidali zure berria
2009-10-09

GOSEREN HIRUGARREN LANA GORRIA DA

Gosea asetzeko hirukoa. Gosea asetzeko hirukoa.
Taldearen aurreko bi lanetan gertatu lez, oraingoan ere soinu elektronikoak eta trikia dira protagonista. Nola bestela! Aldiz, disko gorri hau autoekotzi egin dute. Etxeko sukaldean egindako disko goxoa beraz.

Gosek estudioko lan berria aurkeztu du aste honetan. Izenik gabeko diskoa da oraingo hau ere, taldearen ibilbidean hirugarren lana dena, hots, hirugarren mokadua. Disko gorri hau Arrasateko Shot! estudioan grabatu eta nahastu du taldeak berak 2009ko ekaina eta uztaila bitartean. Ekoizpen lanetaz ere taldea bera arduratu da autoekoizpenaren aldeko apustua eginez eta masterizazioa berriz Jonan Ordorika (Mamia Estudioa) soinu teknikariaren lana izan da.


KOLABORATZAILE ANDANA

Aipatzekoa disko gorriak inoiz baino kolaborazio gehiago batu dituela: Surik bai? kantaren hitzak Eneko Barberena idazle gaztearenak dira eta Ricardo Altunak berriz koruak burutu ditu. El Desvn del Macho taldeko Jos Izcuek aldiz gitarrak sartu ditu eta Domentx Uzinek aldiz helikoia, biolina eta mandolina. Ander Garaizabalek eta Big Memberreko Unai Amezketa ahotsak sartu dituzte. Azkenik, Maixak trikia jo du.


Diskoak dituen bitxikerien artean Sehaska kantuaren bossa-nova bertsioa aurkituko dugu. Sehaska kanta taldearen aurreko bi diskoetan presente izan den kanta dugu. Urriaren amaieran Japoniarako bidea hartuko du taldeak, bertan bost kontzertu emateko helburuarekin. Ondoren iritsiko da Euskal Herriaren txanda mokadu gorri-gorri goxo hau jateko. On egin beraz!


KONTZERTUAK

Urriaren 30a: Tiny 7, Nagoya, 18:30
Urriaren 31: New Madaraya, Toyota (Japonia), 18:00
Azaroaren 1a: Dojin Bar, Nishio (Japonia), 19:00
Azaroaren 2a: Ordinaire cafe, Sagamiono (Japonia), 22:00
Azaroaren 3a: Fight for Rights, Tokio-Shibuya (Japonia), 16:00
Azaroaren 11: FNAC, Donostia, 20:00
Azaroaren 13a: FNAC, Bilbo, Bizkaia. 20:00
Azaroaren 18a: Iruea, Nafarroa, 21:00
Azaroaren 20a: Cotton Club, Lleida 22:00
Azaroaren 25a: Apolo, Bartzelona, 22:00
bidali zure berria Bidali zure berria
Bidali zure iruzkina


kaptxa

bai, ezagutzen dut datuen erabilpen politika eta onartu.

bai, entzunen buletina astero jaso nahi dut.