Datorren astelehenean, apirilak 30, Harrobia Zuzen (HR!Z) kontzertu programaren bederatzigarren emanaldia izango dugu Donostiako Doka Kafe Antzokian, 20:30ean. Bigarren denboraldiko azkena izango da.

LAYO RASER (Punk-progresiboa, Irun)
www.myspace.com/layoraser

Elena, Jon eta Fortun. Krisiari aurre egiteko Bidasoako banda instrumentalak prest du kaosa. “Europa” lan berria aurkezteko gogotsu daude, eta hankaz gora jarriko dutena ikusteko dago. Edo entzuteko. Edo zuzenean bizitzeko. Proposamen berezia da beraiena, baina berezi izateak ez du ona izatea bermatzen. Edo bai. Egia esan, ona eta txarraren eztabaida absurdoa da.


NAPOKA BAND (Rock-folk, EH)
www.myspace.com/napokairia

Esperimentatzen segitzeko beharra dute. Napoka Iria taldeak biko formatua zein familia handitzea erabaki du. Horretarako hiru lagun eta musikari on hartu dituzte babesean. Willis Drummond taldeko Rafa eta Felix, eta Andrakan bandako Andoni. Bestelakoa izango da, batez ere, “Lehertarazi Edifizioak” diskoan jasotako kantu biluziak era elektrikoan ezagutzeko aukera izango dugulako.

Harrobia Lantzen | www.harrobialantzen.blogspot.com