Ihesbide (egun Iheskide) taldea 2004. urtean sortu zen, musikaren bitartez Euskal Herriak jasaten dituen injustiziak azalerazteko asmoz. Hala, musika bozgorailu bezala erabiliz, 2006an zazpi abestiz osatutako maketa bat kaleratu zuten eta bi urte geroago Dagokiguna diskoa.



Baina urte horretan taldekide Tronpi atxilotu zuten beste gazte askorekin batera eta taldeak urte eta erdiko geldialdia egin zuen (kontzertu berezi pare bat salbu). Bi urte geroago, taldea bertan behera geratu eta aurrera ez jarraitzeak zapalkuntzaren garaipen bat izango litzatekeela ulertuta, besteak beste, KOP taldeko Juanra eta Kañería 13-ko Ulliren  kolaborazioekin, Iheskide diskoa kaleratu zuten, taldearen estudioko bigarren lan luzea. Disko honek ere balio izan zien Ihesbidetik Iheskide izenera pasatzeko.

Behin Tronpi kalean eta makina bat kontzertu eskaini ostean, aurtengo martxoa eta apirila bitartean Usurbilgo Hi-Gain estudioetan Haritz Harreguyren laguntzaz ...irabazi arte! diskoa kaleratu dute elorriotarrek, 11 pun krock abesti bilduz bertan. Durangaldetik, Sermond’s eta bestelakoen bideari eutsiz, hemen dugu borrockanrollaren beste adibide bat!