Hamabost abestik osatzen dute disko berria eta estilo aniztasuna dugu bere ezaugarri nagusia: funk, punk rock, reggae, ska, hip hop, hardcore, saltsa, drum and bass eta techno zertzeladak biltzen baititu. Horregatik, "koktel tropikala" esaten diote disko berriari. Hego Amerikako iraultzak eta emakumeak dira lan honen protagonista nagusiak, euskal presoak eta bestelako aldarriak ahaztu ez badituzte ere.

Andoaingo Garate estudioan egin dute grabaketa, Kaki Arkarazoren eskutik, urrian eta azaroan egindako grabazioan. "Aurreko lanetan ere, Kakiren ukitua nabaria da, guretzat abestien maila igotzen du