entzun.com

Musika albisteak
eta agenda astero
zure postontzian!


| Sindikatu - RSS | Testu tamaina AAA

Berriak

bidali zure berria Bidali zure berria
2013-02-07

Jai-O-Rama Festibalaren bigarren edizioa badator

Otsailaren 20an eta martxoaren 20an burutuko da

Pajarok Santa Leone diskoa aurkeztuko du. Pajarok Santa Leone diskoa aurkeztuko du.
Iaz jaio zen ekimenak segidarik izanen du aurten ere. Sevillako Pájaro taldea eta Joseba Irazoki & Lagunak arituko dira

Atarrabiako Kultur etxeak hartuko ditu Jai-O-Rama jaialdiaren bi kontzertuak. Lehendabizikoa otsailaren 20an izanen da. Pájaro taldea izanen dugu protagonista. Bigarrena, hilabete baten bueltan burutuko da eta Joseba Irazoki eta Lagunak ariko dira Atarrabiako oholtzan.
 
Antolakuntzatik adierazi digutenez eta Balerdi Balerdik Iruñean Rockanrolik ez kantuan aipatzen duen bezala, "Iruñean kontzertu interesgarriak ikustea zaila izaten da. Hori dela‐eta, hainbat musikazalek kotxea hartu eta inguruko herri eta hirietara mugitu behar izaten dute kontzertu interesgarriez gozatzeko".
Oraingoan, ordea, musikaz gozatzeko aukera izateko "Villabesa" (hiri-barneko autobus publikoei horrela esaten zaie Iruñean) hartu besterik ez dute izango Iruñerriko musikazaleek, izan ere, Jai-O-Rama festibalak, beste behin ere, honako ikuskizunak antolatu baititu Atarrabian:

• PÁJARO: Otsailak 20, asteazkena.
Andrés Herrera PÁJARO da. Sevillako hainbat musikarirekin ibili izan da, esaterako, Silvio, Raimundo Amador, Pata Negra, Kiko Veneno, Pepe Begines edo Rafael Amadorrekin. Iaz Santa Leone disko zoragarria argitaratu zuen eta disko onenen zerrendetan agertu da Estatuko hainbat aldizkaritan.
Surf musikaren, Ennio Morriconeren soinu banden, Sergio Leoneren filmeen, Sevillako aste santuaren edo flamenkoaren eraginek zipriztintzen dute Santa Leone diskoa.

Informazio gehiago eta Santa Leone entzuteko aukera:
http://pjaro.bandcamp.com/album/santa‐leone

• JOSEBA IRAZOKI & LAGUNAK: Martxoak 20, asteazkena.
Lerro asko idatzi dira azken hilabeteetan Berako musikari honen inguruan. Bakarka zein lagunekin, Joseba Irazokiren emanaldiak bereziak izaten dira beti.
Jai-O-Raman aurkeztuko duen ikuskizuna bitan egin da bakarrik, lehena Donostian eta bigarrena Beran. Zaila da horrelako musikarien euskal selekzio moduko bat oholtza gainean elkarrekin ikustea, beraz, aukera hau probestea ez da ideia txarra.
Banda dinamiko eta ezohikoa izanen da Atarrabian ikusiko dena:
• Felix Buff (Willis Drumond) bateria.
• Ager Insunza (Audience) gitarra eta biolina
• Jaime Nieto (We are standard) baxua.
• Iban Urizar (Andrakan, Cafe Teatro...) tronpeta eta zaratak
• Igor Telletxea (Xabier Montoia, Petti...) tronboia eta bateria.




Argazkia: Juan G. Andrés.
bidali zure berria Bidali zure berria
LABURBILDUZ

  • Otsailak 20: Pájaro (Sevilla), Atarrabiako Kultur Etxea, 20:00etan.
  • Martxoak 20: Joseba Irazoki & Lagunak (Bera, EH), Atarrabiako Kultur Etxea, 20:00etan.

Bidali zure iruzkina


kaptxa

bai, ezagutzen dut datuen erabilpen politika eta onartu.

bai, entzunen buletina astero jaso nahi dut.