entzun.com

Musika albisteak
eta agenda astero
zure postontzian!


| Sindikatu - RSS | Testu tamaina AAA

Berriak

bidali zure berria Bidali zure berria
2011-04-03

KAFEA ETA GALLETAK ZIKLOAREN 25. SAIOA LARUNBAT HONETAN MURSEGOREKIN

25. saioaren kartela. 25. saioaren kartela.
Kafea eta galletak, musika beste modu batez gozatzeko tartea eskaintzen duen egitasmoa, lasai eta patxadatxu, artistarekin harreman zuzena ahalbidetuz, 25. saiora iritsi da! Mursergo izanen da "zeremonia maisua".

Duela bi urte luze sortu zen Kafea eta Galletak egitasmoa. Orduz geroztik, 24 saio egin dira Gernikako gaztetxean eta 25. edizioa ospatzeko, Mursego aukeratu dute artista gonbidatu gisa. "Aspaldi erabaki genuen 25. saiora iristen ginenean Mursego izango genuela gurean, jotzen eta diskoa aukeratzen azaldu dute antolatzaileek. Kafea eta Galletak saioz saio sortzen den lagunartean musikaz gozatzeko espazioa izan da hasieratik. Entzun dugun diskoa entzun genezakeen onena izan da beti entzuten genuen bitartean. Jo duen taldea, une horretan entzun genezakeen onena. Kafea... egunaren arabera. Maitek hasiera-hasieratik lagundu digu: ahal izan duen saio guztietara etorri da, galletak atondu ditu, harrikoa egin du, kantatu eta dantzatu du. Garrantzitsuena, entzule aktiboa izan da. Ezin zaigu inor hoberik bururatu Kafea eta galletak zer den adierazteko. Horregatik izango da gurean martxoaren 5ean".

Mursegok, Maitek, The Ex-ek Tom Cora-rekin 1991n grabatutako Scrabbling at the lock aukeratu du entzunaldia egiteko. "The Ex gure taldeetako bat da diote galletazaleek, eta Matadeixen eman zuten kontzertua gure bizitzako oroitzapen musikal berezienetakoa. Gogoan dugu musika-aldizkari batean egin zieten elkarrizketan esan zutena (zeharo brechtiarra): politikoa izateko, talde batek musikaren formak irauli behar ditu; musika hegemonikoa eginez hitz politikoak kantatzea propaganda hutsa da. Zoritxarrez, Euskal Herrian gehiegi dakigu horri buruz. Kasu honetan, Tom Corarekin grabatu zuten, besteak beste, Skeleton Crew talde handiko kidea, Fred Frithekin batera, eta klasikotik kanpo zerbait egin nahi zuten txelisten erreferenteetako bat. Galdetu Maiteri bestela".

Bada, hitzordua du musikaren maitale orok Gernikako gaztetxean asteburu honetan. Honatx egitaraua:
18:00. Disko entzunaldia: The Ex + Tom Cora Scrabbling At The Lock (1991 - Ex Records). 19:00 Kontzertua: MURSEGO.
bidali zure berria Bidali zure berria
Bidali zure iruzkina


kaptxa

bai, ezagutzen dut datuen erabilpen politika eta onartu.

bai, entzunen buletina astero jaso nahi dut.