Korrontzik 50 zuzenekotik gora emango ditu Tradition 2.1 biraren barruan. 2013ko azaroaren 8an ekin zioten jotzeari Basauriko Sozial Antzokian eta ordutik ez dira galditu.
Bistan da: Korrontzi taldea gero eta izen handiagoa ari da hartzen gure mugetatik kanpo. Uda parte honetan, adibidez, Txiprera, Italiara, Espainiara, Kataluniara, Portugalera, Belgikara edota Estatu Batuetara eramango ditu bere triki soinuak.


Dagoeneko biraren ekuatorrean sartu dira. Joan berri zaigun larunbatean, ekainaren 21ean hain zuzen ere, Calaf-en (Katalunia) aritu ziren eta hurrengo egunean (hilak 22) Italiako Toscanan zeuden, bertako Impruneta herrian jo behar baitzuten.
Ekainaren 28an Lekeition joko dute, baina berriz hartuko dituzte maletak Txipren bi kontzertu (uztailaren 9an eta 10ean hurrenez hurren), eta Italian beste bat emateko (uztailaren 12an). Euskal Herrira itzuli ondotik, Portugalerako bidea hartuko dute abuztuaren 8an Castelo de Viden jotzeko, eta etxerako bueltan Burgosen geldialdia egingo dute abuztuaren 9an. Ia maletak desegiteko denborarik gabe, furgonetara sartuko dira berriz, Normandian arituko baitira abuztuaren 12an, eta 17an berriz, Belgikan. Abuztuaren akaberan Asturiasen eta Galizian joko dute eta irailaren 12an ozeanoa guratzatu eta AEBetako Madison World Music Festival-ean (Wisconsin) ariko dira. Urrian berriz, Manresan (Katalunia) ariko dira.
Tarte honetan, noski, Euskal Herrian emango dituzten kontzertuak ez dira gutxi izango: Alegi, Bilbo, Laudio, Amorebieta, Ormaiztegi... Ikusi biraren kontzertu zerrenda osoa: