entzun.com

Musika albisteak
eta agenda astero
zure postontzian!


| Sindikatu - RSS | Testu tamaina AAA

Berriak

bidali zure berria Bidali zure berria
2013-12-16

'Le Bukowski 25 urtez (1988-2013)' jaialdia, Egiako areto ezagunaren mende laurdena ospatzeko

Abenduaren 27an eta 28an egingo da Donostiako Antzoki Zaharrean

Urteurrenaren kartel ikusgarria. Urteurrenaren kartel ikusgarria.
Le Bukowski aretoak, jarraitzaile, komunikabide, artista eta lagunekin ospatu nahi du 25 urte hauetan zehar eginiko ibilbidea. Horretarako, bi eguneko luxuzko egitaraua prestatu du musikazaleen belarriak gozarazteko: Los Separatistas, Javier Sun, Seor No (bai, ongi irakurri duzue), Makala Jazz Funk Band, Audience eta Luke Armstrong ariko dira abenduaren 27 eta 28an.


Bukowski aretoa 1988 urtean jaio zen ibaiaren bestaldean, Egiako bihotzean, eta Donostiako erreferente musikal ukaezina izan da urte guzti hauetan. Are, hiriko mugak hautsi ditu eta Gipuzkoako beste herritako zein Gipuzkoatik kanpoko zaleen bilgune ere bihurtu da aretoa. Askotariko programazioa eskaini du, kalitatezkoa, bertako zein kanpoko artistei leku eginez.
25 urte ez dira egunero betetzen, Bukowskikoek badakite, eta horregatik aretoarekin harreman estua izan duten talde eta artistak gonbidatu dituzte haiekin urteurrena ospatzeko.

Honatx egitaraua:
  • Abenduaren 27an, ostiralrekin, gaueko 20:00tan hasiko da jaia ongi etorri cocktail batekin, MAKALA JAZZ FUNK BANDek bere groove-az giroa berotzen duen bitartean. Ondoren, dagoeneko Donostiako mito eta Le Bukowskiko arima bizia den JAVIER SUNek bere Barrio de la Verdad delakotik eramango gaitu. Geldiune luze baten ondoren SEOR NO taldea bueltan da eszenatokietan eta gaua hankaz gora ipinitzeko asmoz, kontzesio gabeko rock'n'roll zaparrada alegia. Azkenik, gorputzez nahiz arimaz prest egongo gara uneko All Star Band azpimarragarrienaren aurkezpena ikusteko: LOS SEPARATISTAS. Euskal Herriako rock musikari esanguratsuenak (Rober!, Iigo Cabezafuego & Joseba Irazoki, Felix Buff, Mikel Abrego, Txap) eta THE CUBICAL talde britaniarreko abeslaria den Dan Wilson bildu dituen egitasmoa.

  • Abenduaren 28an, larunbatarekin, AUDIENCE taldeak Big Affair lana aurkeztuko du. Gernikako talde fin honen aurretik LUKE ARMSTRONG abeslari gaztea eta folk briniarraren maitale denak joko du.

ZORIONAK!

bidali zure berria Bidali zure berria
BUKOWSTARRAK

MAKALA JAZZ FUNK BAND [Zarautz]

Formatu klasikoaz osatutako talde hau Mikel Makala-ren eskutik sortu da eta Oihan Lopetegi, Rodrigo Martins, Ander Ederra eta Antxon Sarasuak osatzen dute. 50 eta 60 hamarkadetako Jazz & Rhythm'n'Blues-a nahiz 70 hamarkadako Groove Funk eta Disco Soul erregistroko abestiak dituzte haien errepertorioan.

JAVIER SUN [Donostia]

Donostiako, Egia auzoko eta bereziki Le Bukowskiko instituzio musikal bat da Javier Sun. Parekorik ez duen artista hau forma ugaritan birsortzeko gai izan da bere ibilbide mamitsuan zehar. Oraingoan bakarlari bezala igoko da taula gainera bere ahotsa eta gitarra eskuan duelarik.


SEOR NO [Donostia]

Berria den ezer gutxi esan dezakegu hiri honek eman duen Punk Rock talde errespetatuena eta ahaltsuena den talde honi buruz. 93 urtean Buenwistako lokaletan hasi zen hura eszenatokietan dago bueltan geldiune luze baten ondoren. 100% RnR ikuskizuna, energia eta arima.


LOS SEPARATISTAS [Euskal Herria]

Euskal Herriko eszena independienteko musikari esanguratsuenak hartu eta batera jotzen ipintzea da Los Separatistas. Egitasmo hau benetako All Star Band erraldoia da eta taula gainean ikuskizun borobila eman dezakeela ziur izan. Galduezinak.


AUDICENCE [Gernika]

Bizkaiko talde dotore hau osatzen duten bost musikariek Big Affair bezalako lan finak sortzeko gai dira. Orain dela egun batzuk izan zen kaleratua eta Donostian izango da aurkeztua oraingoan. Diska Estatu Batuetan izan da grabatua John Agnellok ekoiztu duelarik.

LUKE ARMSTRONG [UK]

Luke Armstrong-en musikak ingalaterrako folk soinu klasikoetatik edaten du gaurko egunetara ekartzen dituelarik. Jackson Frank, Nick Drake edo John Martin entzun ditzakezu bere abestietan nahiz eta beti ematen dion bere ikutu pertsonala. Donostian bizi da 2011 urtetik.

Erlazionaturiko edukiak
Bidali zure iruzkina


kaptxa

bai, ezagutzen dut datuen erabilpen politika eta onartu.

bai, entzunen buletina astero jaso nahi dut.