Lekuek jaialdiaren kartela.
Egitaraua, festibalaren izaera bera bezala, askotarikoa da. Esne Beltza, Audience, Atom Rhumba, Espaloian, Sarkor,
Mursego, Naica, Estricalla, Marlango edota Porco Bravo arituko dira,
besteak beste, herriko eszenatoki desberdinetan.
Martxoaren 9an hasiko da
Lekuek izeneko jaialdi berria
Malcolm Holcomberen kontzertuarekin. Trinkete Antitxokoan izango da emanaldia, 20:30etatik aurrera. Egitasmo berri honen izenak garbi iradokitzen duen moduan,
Gernikako gune ezberdinetan garatuko da programazioa. Eta ez hori bakarrik, izan ere, musikaz gain (jaialdiaren ardatz nagusia), zinea, dokumentalak eta hitzaldiak antolatu baitituzte. Egitaraua martxoaren 16ra arte luzatuko da.
Lekuek ondoko guneetan egingo da:
* Trinkete Antitxokoa
* Lizeo Antzokia
* Fiakun lokala
* Astra gaztetxea
* Iparragirre rock elkartea
* Gernikako 10 taberna (Arima taberna, Zeppe taberna, Irrintzi taberna...)
EGITARAUA
(Ordutegiak behin behinekoak dira, eta alda litezke)
Martxoak 9, igandea
20:30 MALCOLM HOLCOMBE Trinkete Antitxokoan. 5
ZER DA LEKUEK?
Gernikako musikari eta musikazaleok batu egin gara musika arloko
ekimen bateratu bat egiteko. Sarritan gure kabuz egin ohi duguna
astebeteko programazioan batu dugu. Hainbat espazio, estilo, egiteko
modu batzen dituen festibala da Lekuek. Urtean zehar Gernikan egiten
diren dozenaka kontzertuen izaerari eutsi nahi dio, hau da, zaletasunetik abiatzen da, behetik gorakoa da, era parte-hartzailean landutakoa, irekia, elkarlanean oinarritutakoa, autentikoa.
- Lekuek festibalak izaera deszentralizatua du. Leku bakoitzak edo
eragile bakoitzak erabakitzen du zein talde ekarriko duen eta nola
antolatuko duen. Beraz, nortasun propioa duen musika ekimena da, berau
antolatzen duten pertsona eta eragileek ematen baitiote nortasuna
festibalari.
- Festibala ez da erakuslehio hutsa, izaera aktiboa edo eragilea du.
Musika eta kulturaren inguruko eztabaida, ideia-trukea eta harreman sare
berriak sortu nahi ditu. Horregatik mahai-inguruak, topaketak eta
antzerako jarduerak egongo dira.
- Urtean zehar Gernikan egiten diren dozenaka kontzertuen izaerari
eutsi nahi dio. Gernikan zuzenekoak egiten dauden leku ezberdinak