entzun.com

Musika albisteak
eta agenda astero
zure postontzian!


| Sindikatu - RSS | Testu tamaina AAA

Berriak

bidali zure berria Bidali zure berria
2006-11-06

‘MAKALA selects BOOM SHAKA LAKA’ EDO EUSKAL HERRIA BELTZA

Kantu bitxiak daude Kantu bitxiak daude
Makala disko jartzaile eta musikariak Euskal Herriko hainbat talderen kantuak aukeratu ditu “Makala selects Boom Shaka Laka” disko bilduma interesgarria argitaratzeko. Musika beltza eta elektronikoaren alorrean lan egiten duten artista euskaldunen 14 kantu biltzen ditu.

Bilduma honetan, besteak beste, ondoko artista eta taldeak aurkituko ditugu: William S. Fischer, Jimmy Bidaurreta Feat. Mary Soul White, Makala bera, Ortophonk THC, 12 Tribu, Wagon Cookin, Akatz edota Santi Ibarretxe.

Makala, What?
Orain arte Makalaren berri izan ez dutenentzat, hona hemen pista batzuk. Zarautzen sortu zen 1970eko maiatzaren 23an Mikel Unzurrunzaga Schmitz, bere bi pasio nagusietan, surfa eta musika, oinarritu duena bere jarduera profesionala. Musikagintzan lehen urratsak 90. hamarkadaren hasieran eman zituen disko jartzaile gisa Makala goitizena erabiliz. Urteak pasa ahala bere emanaldiek gero eta musika anitzagoa bildu dute: afrobeatetik funkera, souletik reggaera, skatik hip hopera, boogalootik dubera, rocksteadytik jazzera, dena nahasita, xehetua, aise irensteko prest.
Musika beltzak zor dion miresmenak alor horretan sakontzera eta bilduma zabal bat biltzera bultzatu du, tarteka "The Balde" zein "Entzun" aldizkarientzat kolaborazioak idatzi dituelarik. Planetako bazter ezberdinetako kluben eskariak jasoz, sesioak eskaini ditu Italia, Suiza, Alemania, Txekiar Errepublika, Belgika, Holanda, Frantzia eta Portugal. Espainiako geografia behin eta berriro zeharkatu du eta jaialdi arrakastatsuenetan parte hartu du. Lur orotako musikaria. Egun, bere disko jartzaile sesioak (irrati zein klubetan) Makala Bandaren zein Funkel Sound Systemen emanaldiekin tartekatzen ditu. Bere ekoizpen estudioak ere Funkel izena du.
Platerren gibelean metatu eskarmentuak, bere lehen CD digipack “Makala plays Novophonic” (Novophonic / So Dens / Universal, 2002) grabatzera bultzatzen du desagertu aurretik Europa mailako onarpena lortu zuen zigiluan . Sesio eder honetan, Mikelek Novophoniceko katalagoa nahasten du erakutsiz berea duen gaitasuna entzulearen arreta pizteko erritmoa galdu gabe, disko jartzaile on batentzat ezinebesteko oinarria dena. Grabaketak Mikelengan ekoizpenaren harra ernaltzen du eta diskoak bere lehen kanta jasotzen du, “Novocut’n’Pastephonic”, disko bereko hainbat sanplerrekin “kopiatu/itsatsi” teknikaren erabiliz garatutakoa.
Lehen abentura horren ostean berak sortutako kantuen jarioa amaitezina da, single zein bildumetan bere influentzia musikalak azaleratuz. Besteak beste honakoetan parte hartu du: "No borders, No nations, No wars" (Duplikat Records 2003 Berlin), "Basque Electronic Diaspora vol. 3" (Metak, 2003), "Basque Planet" (Wagram, 2004), "Kaffeeburger der Sampler 1" (Duplikat Records, 2006) edota bajua eta ahotsarekin Javi Pez Orquesta "Sports" (Hitop 2004) eta Gailu "Pil Pil Sessions V.1" (Metak, 2002) besteak beste, "Hondartzan" (Metak, 2005) CD digipackaren grabaketa bide horren gailurra delarik. Disko honetan estrainekoz Makalak kantu guztiak konposatu, abestu eta jotzen ditu musikari sorta apartaren laguntzaz. Disko hau kultokoa izateko beste arrazoi bat dugu Euskal Herriko zigilu handienetarikoa izandako Metaken azken erreferentzia izatea.
"Hondartzan"diskoak Makala berriz ere plazara ateratzen du, baita aukera eman ere, Euskadi Gaztea Irratian (EITB 91.2 FM 22:00 > 23:00 P.M.) berezko musika esparru bat izateko. Mikelen bilduma musikalaren etengabeko eguneraketaren ondorioz, "Boom Shaka Laka" izeneko programan estilo eta kolore guztietako estilo zein bandak nahasten ditu, aintzinakoak eta egungoak. Eskuartean duzun diskoa irratsaio horien antzera planteatu da, abiapuntua Euskal Herrian egun sustrai beltzekin sortutako doinuak direlarik. Hamar puztarri! Ez da harritzekoa Makalaren ibilbidearen etengabeko garapen logiko eta zintzoaren emaitza izaki. Bizitzan gauzak zintzoki, gusto onarekin, azpijoko edota erreminik gabe egiterik dagoelaren adibide. Hau dugu egungo doinua Euskal Herria beltzan.
Carles Closa "Txarly Brown"
Barzelona, 2006.11.11
bidali zure berria Bidali zure berria
Bidali zure iruzkina


kaptxa

bai, ezagutzen dut datuen erabilpen politika eta onartu.

bai, entzunen buletina astero jaso nahi dut.