Igande honetan, benetako musikari aparta baten lanaz gozatzeko aukera izango da Donostiako Kursaalen. Marc Ribot gitarra-jolea bere Young Philadelphians taldearen laguntzaz arituko baita bertan.
Ibilbide luzeko musikaria da Marc. 70ko hamarkadako New York-eko Downtown-en hazia eta musikalki hezia, bertako free, no-wave eta punkaren jarrera apurtzaile eta aurrerakoiaz jantzi du beti bere musika. Milaka estilo ezberdinetan aritu da, esperimentazio, inprobisazio eta nahasketarako askatasun miragarria erakutsiz aldioro.


John Zorn-en Tzadik diskoetxean plazaratzen ditu bere obra eta elkarlan gehienak eta Electric Masada taldearen partaide da. Baina horretaz gain, beste musikari askoren disko eta kontzertuetan parte hartu du: Tom Waits, Elvis Costello, T-Bone Burnett