2011ko maiatzean kaleratutako Lehen lerroan diskoaren baitan aurki daitekeen Mugi gerria kantuaren bideoklipa kaleratu berri du Itziarren Semeak ska punk bandak.
Kantuaren grabaketan parte hartu zuten Bilbomatiks taldeko musikariek (Igor, Nerea, Maria eta Markez) eta Arkaitz “Anger” eta Etxahun “Orkresta”-ko abeslariek. Horiekin batera Mirentxuren alabak izena hartu duten Olaeta elkarteko dantzariak ere parte hartu dute beste hainbat lagunekin batera. “Tas Tas” Careaga arduratu da bideokliparen grabaketaz eta muntaiaz.
 

Bideoklip berrearen aurkezpenarekin batera Itziarren Semeak ska punk bandak 2011ko denboraldiari kantu berrien grabaketarekin bukaera emango diola ezagutzera eman nahi du. Durangoko azokan eskainiko dute aurtengo azken kontzertua eta bertan kantu berriren bat entzuteko aukera izango da. Andoaingo Garate estudioetan grabatuko dute abenduaren bukaeran, berriro ere Kaki Arkarazoren gidaritzapean.