TXURRUSTADA, “Izateko Jaioak”
2006. urtean Iruñean sortutako talde gazteak herri bereko K estudioetan grabatu du bere lehengo lana. Punk, rock eta ska doinuz jositako diskoan mota guztietako gaiak jorratzen dituzte taldekideek: gaur egungo munduaren egoera, Euskal Herriko gatazka politikoa, herri kultura, zein sentimendu pertsonalak.


GARAGARDO GURA, “Menu del Día”
Txaranga bateko kide ziren lagun talde batek Garagardo Gura taldea osatu zuen 2005ean eta urte bereko azaroan beraien lehengo kontzertua eskaini zuten Gasteizko gaztetxean. Ordutik, makina bat kontzertu eskaini dituzte, tartean Akatz, La Familia Iskariote, New York Ska Jazz Ensemble eta The Dynamites taldeekin. 2006an Doble Malta maketa kaleratu zuten.
Orain berriz, beraien lehengo lan luzea izango denarekin datoz, non, ska doinu fresko eta dantzagarrienetik doinu latinoetara, funky, metal zein reggae erritmoetatik pasatuz. Abestien hitzetan, gai orokorrak zein pertsonalagoak lantzen dituzte: munduko bidegabekerien salaketa, heroina eta droga berriak, musika eta kultura ulertzeko modua, cannabisaren legalizazioa, 1936ko gerra zibila, homosexualitatea...