Bi egunetako emanaldiak oso-osorik grabatu eta gero, Legarreko estudiotik pasatu zen bikoa, aukeraketa egin eta lehen maketarekin egin bezala, Ander Barriusoren eskuetan txukuntzeko. Ander Mujikak berriz, bere gain hartu du diseinuaren ardura. 

Hamar piezek osatzen dute bilduma (gitarra elektriko bat, akustiko bat eta ahotsen ohiko dantzekin). Azkenaldiko kontzertuetan eskaini izan dituzte batzuk, eta akaso ezagunak izango dira entzulearentzat. Honetaz gain grabazioan bertan egindako inprobisazio bi eta ukelelea eta kalimbaz jotako kantu ezagun baten bertsio bitxi bat ere sartu dute.