Errepikapena oinarritzat hartuta giro eta espazio ezberdinetatik bidaiatu nahi duten doinuak dira zazpi kantu hauek, beti ere, folk, blues, rocka eta giro atmosferikoetan barrena.
Kantu guztiak etxean –Beran, Gasteizen eta Bartzelonan– grabatuak, nahastuak eta masterizatuak izan dira 2011ko uztaila eta 2012ko otsaila bitartean.
Abestiok martxoaren hasieran internet bidez doan jarri zituen Josebak http://josebablenoir.bandcamp.com web gunean.

Edizio fisiko mugatu eta manufakturatua argitaratu du ere bai, bost eurotan saltzen duena, Instroak Vol.1 izenburupean (eskuratzeko interesatua dagoenak bere bandcamp-ean aurkituko ditu argibide guztiak).