Erakusketa honetan 60 argazki ikus daitezke, 2011 eta 2012 urteetan zuzeneko kontzertuetan hartuak. Horrela, gaur egun gure agertokietan gertatzen ari dena islatzen du, egungo musika eszenaren erradiografia gaurkotua eginaz. Musikazuzenean-ek antolatutako erakusketarekin batera, kontzertu, zine emanaldi eta eztabaidarako tarterik ere izanen da.
Irudiek, Euskal Herriko musika eszenako eremu ezberdinak irudikatzen dituzte: Jaialdi handietatik, gaztetxeetako eszena undergrounderaino, herriko plaza edota tabernetako kontzertuak ere  hartuz. Bide horretan, musikalki, bertako mugimenduaren musika mota ezberdinak biltzen ditu: rocka, heavya, ska, reggaea, hardcorea edota folka.
Argazki teknika ezberdinak lantzen dira erakusketa honetan: zuri beltzeko argazkietatik, koloreetako argazkietaraino doanzenak. Argazkiak hartzeko moduak ere anitzak izan dira: 35 milimetrotako karrete zaharretatik, egungo teknologi digitaleraino. Beti ere, berezko argazkia errespetatua izan da, inolako muntai edo konponketa gehiegizkorik gabe. Argazkiak diren bezala erakutsiz.

ARGAZKILARIAK




ERAKUSKETA EGITARAUA (ANDOAIN)

URRIAK 2 ASTEARTEA
DZ Master Class. Irakaslea: Zigor DZ (Esne Beltza, Fermin Muguruza,  Selektah Kolektiboa)
DZ hizkien atzean Zigor Lanpre ezkutatzen da, euskal herriko musika eszenako musikari ezaguna. 90. hamarkadan abiatu zuen musika bidea Selektah Kolektiboa izeneko taldean, euskaraz egindako hip hop musikan aintzindariak izan zirelarik. Gerora Fermin Muguruzaren ondoan ibili da, bai eta egun Esne Beltza talde ezagunean.
Bastero. Erakusketa gela. 19.00

URRIAK 5 OSTIRALA
Zuloak dokumentalaren proiekzioa
Arrate Rodriguez artista poliedrikoak musika talde bat osatu nahi zuen: taldekideak hautatu, musika estiloa zehaztu, … eta prozesu guztia kamerare-kin erregistratu. “Esperimentua” ez zen gauzatu baina grabaturiko materialguztiarekin Fermin Muguruza musikari eta zinemagileak film dokumentala osatu du. Donostiako Zinemaldian aurkeztuko da lehenengoz.
Bastero. Zinema Aretoa. 22:30.  

URRIAK 9 ASTERATEA
Mahai ingurua: Egungo musika mugimendua Andoainen
Herriko musika mugimendua ezagutu nahi duena: urriaren 9an gaztetxean  Andoaingo musika eszenaz hitz egiteko. Herriko musikariak, musikazaleak, kultur eragileak... Gaztetxea. 19:00

URRIAK 13 LARUNBATA
Andoaingo tabernetatik Musika maratoia
·  21:30  - 22:30 Aker Beltz taberna: Toro y la chica del Frenesi (Bilbotik, Doctor Deseo taldeko bigarren gitarra jotzailea eta azpi ahotsak egiten dituen musikarien ekimen akustikoa. kantu propioak eta bertsioak)
·  22:30  - 23:30 Ganbara  taberna: Xabi ta Petti (Bera - Donostia. Donostiako punkrock&roll lehoia eta Berako folk-blues grizzly hartza elkarrekin. Xabi "Señor No" eta Petti, atzapar zorrotzeko piztiak zuzenean)
·  23:45  - 00:45 Txitibar Taberna: Zuhaitz Zatitxuak Blues Band (Soraluzetik, euskaraz egindako blues kantu beroak jotzen dtuen banda. Duela gutxi kaleratu duten lehen diskoa aurkeztuko dute emanaldi honetan)
·  01:00 - 02:00 Irunberri taberna: Dirty Brothers. (Arrasatetik, kantu propioak eta punk-rock kantu ezagunen moldaketa akustikoak lantzen dituen banda zikina. Bi disko kaleratu dituzte, azkena, Egun Ilunak izenekoa)