Bizkaiko blues taldea eraberritua datorkigu, edo nahi bada, handitua, "big band" bilakatua alegia. Besapean laugarren diskoa dakarte, beren jaioterrian zuzenean grabatua. 14 kantu guztira, tartean Albert King, Willie Dixon, Ray Charles, B.B. King, Colin James edota Nick Ashforden bertsioak.
Travellin' anaiek pizgarri bat behar zuten. Azken urteotan errepidean ibili dira, ehunka kontzertu eskainiz, blues jaialdi handietan zein areto txikietan. Generoko banda klasikoetan zein Count Basie, Duke Ellington edo Cab Calloway-enetan nahiz Brian Setzerren edo Colin James kanadiarraren modernoagoetan inspiraturik dago diskoa eta ikuskizuna, izan ere, berau aurkeztuko dute 2012. urtean zehar.
*A blues experience (Laute, 2004) *From the road (Amphora Records, 2007) *Red, hot and blues (Gaztelupeko Hotsak, 2009) *Travellin' Brothers big band (Gaztelupeko Hotsak, 2012)