Bi abesti edo gehiago hartu, zatitu eta bata bestearen gainean jarri kantu berri bat sortzeko. Hori da Trifulka Posse-k egiten duena. Amy Winehousetik Ruper Ordorikaraino eramango gaituen bidaia musikala.
Hiru dj-k osatua, TRIFULCA POSSE, formatu berritzailea eskaintzen duen
taldea da. SYR, DJ PATA eta DZ ezagunak dira Euskal Herriko eszena
musikalean, askotan ikusi ahal izan ditugu eszenatoki gainean; Sorkun,
Fermin Muguruza, DJ Vadim edota Esne Beltza, bezalako musikari nahiz
taldeekin.
Oraingoan, bide lagun izan dituzten musika estiloak
oinarritzat hartuta (hip-hopa, soula, funka...), beraien lehen lana
aurkeztu digute, Mashup disko bat.
Hortaz, bi
abesti edo gehiago hartu, zatitu eta bata bestearen gainean jarriz
sortzen den abesti berriaz ari gara. Honekin, "gure kantu gustokoenak berritu eta
aldi berean dibertigarriak bihurtzen ditugu", diote Trifulkakoek. Horretarako, Nina Simone, Jackson Five, Zea Mays, Ruper Ordorika, The Clash, Police, Ramones... bortxatuko dituzte!