Xare, euskal kultura digitalaren azoka burutuko da lehen aldiz asteburu honetan Donostiako Kursaalen. IKT-ekin eta kulturarekin zerikusia duten ekitaldi, mahai inguru eta ekimen ugarien artean, Geoff Muncey-k (PIAS UK) ostiralean emanen duen hitzaldia azpimarra dezakegu: "Iraultza digitalak musikagintzan eragindako lurrikara eta irekitako bide berriak".

Bestalde, robotika erakustaldia, soinu edizio eta dj ikastaroa, reactable mahaiarekin musika egiteko aukera, Rip: a remix manifesto filmaren proiekzioa, mapping emanaldia eta asteburu osoan zehar Le Bukowski aretoan izango diren kontzertu eta DJ emanaldiak nabarmendu behar ditugu (egitarau guztia PDF dokumentuan duzue).