entzun.com

Musika albisteak
eta agenda astero
zure postontzian!


| Sindikatu - RSS | Testu tamaina AAA

Berriak

bidali zure berria Bidali zure berria
Entzun! Le Bukowski 2016-03-22

Ze Premikin! (Exile on Jareño St.) 2016

Ze Premikin 2016. Ze Premikin 2016.
Lotura erlazionatuak
Anestesia, JP Lohian & Klonen Klana, Lie Detectors, Zura, Eraso, Joseba B Lenoir eta Pelax & The Cowboys Orchestra ariko dira goizaldera arte luzatuko den rock-biltzar honetan


Urtean behin, bukowskitarrak lekutz aldatzen dira. Ez dira urrunegi joaten ordea. Aldapan gora egin eta metro batzuk gorago, Gazteszena aretoan, egiten dute festa handia. Zé Premikin! du izena eta dagoeneko badira urte batzuk egiten hasi zirena.
Aurtengo kartela aurreko edizioen kalitateari eusten diola ez dugu zalantzarik, baina esango genuke talde euskaldun gehiago dagoela 2016ko edizio honetan. Are, ia denak euskaldunak dira. Poztekoa, alderantziz izan ohi da-eta. Rocka (bere aldaera diferenteetan) izango da protagonista nagusia. Kontzertuen ondotik, hiru disko jartzailek girotuko dute festa goizaldera arte.



ANESTESIA
Mikel Kazalisek gidatuta, Zarauzko apisonagailua. Laukote honek aurreiritziak hautsi zituen thrash eta hardcorea batu zituenean euskaraz abestuz 80. hamarkadaren bukaeran. Salaketa eta kritika. Anestesiak bere bideari eutsi egin dio urte guzti hauetan.

ZURA
Xabi Strubell (Dut, Anari) eta bere 4 taldekideak bueltan dira Egunkari Ezkutua [Ohiuka] deituriko lanarekin. Bossanovaren doinu beroak desagertu egin dira, rockaren lengoaia berriz besarkatu dutelarik.

VULK
"Punka egitea" gustoko duten hiru bilbotarrek osatzen dute Vulk. Erresuma Batuko post punka eta Estatu Batuetako 90 hamarkadako indie-alternatiboaren soinuen influentzia argiak dituzte.

JP LOHIAN & KLONEN KLANA
Bakarkako diskoa egin zuen azkenik Bukowskikoei aurreratu zien moduan. Kantuak idatzi, tresna guztiak jo eta abestu. JP Lohian eta Klonen Klana 2015eko sorpresarik handienetakoa izan da.

JOSEBA B. LENOIR GANG
Berako Joseba Baleztena musikaria 2011an ekin zion bakarkako ibilbideari. Bakarka ibili ondotik, Joseba B. Lenoir Gang taldea osatu du nortasun handiko rock-blues-psikodelia-country kantak egiteko.

LIE DETECTORS
Lie Detectors ez dira berriak rockaren kontu honetan. Nuevo Catecismo Católico, Muturbeltz, Dirty Pink Ladies, Fiebre de Vivir, Teen Dogs edo Plan B bezalako taldeetako partaide izan dira. Haien musika rock & roll, garage eta punkaren arteko nahasketa paregabea da.

ERASO!
Eraso bueltan da. 20 urteko ibilbidea bete berri dute zarauztarrek eta disko berri bat kaleratu. Izenburuak dioen bezala, kaiolatik ihes egin dute. Aurreneko emanaldietako freskotasuna eta 20 urtetan musika talde bat izateak ematen duen esperientzia uztartu dituzte.

PELAX & THE COWBOY'S ORCHESTRA
Unai Pelayo donostiarra da Pelax. 2013ko azaroan hasi zen lehen bakarkako emanaldiak eskaintzen, bere ahots gordinaz eta gitarra elektriko batez baliaturik. Hilabete batzuk aurrerago, 2014ko martxoan, bere lehen EPa kaletatu zuen, Pillotegiko saioak, lokalean perkusionista baten laguntzarekin zuzenean grabaturikoa. Rockaren maitale honek, abestiak atontzeko banda bat osatu zuen 2014ko apirilean. Bandaren laguntzarekin zein bakarka kontzertuak han eta hemen eskaini bitartean, bere lehen lan luzea kaleratu du 2015eko martxoan, autoekoiztua: Cowboy's Orchestra Saioak.
bidali zure berria Bidali zure berria
LABURBILDUZ

NOIZ: Martxoak 23
ORDUA: 20:00etatik goizeko 6:30ak arte
NON: Gazteszena aretoa (Donostia)
PREZIOA: 15 euro

TALDEAK:
ANESTESIA
ZURA
JP LOHIAN & KLONE KLANA
JOSEBA B LENOIR
LIE DETECTORS
ERASO
PELAX & THE COWBOYS ORCHESTRA


DISKO JARTZAILEAK:
DJ-k: Telmo Trenor
Antigua y Barbuda
Crazy Palmera

Erlazionaturiko edukiak
Bidali zure iruzkina


kaptxa

bai, ezagutzen dut datuen erabilpen politika eta onartu.

bai, entzunen buletina astero jaso nahi dut.