Zuzeneko musikaren zirkuituak 200.000 euro jaso ditu Eusko Jaurlaritzako Kultura Sailaren eskutik. Xoxa horiekin, 100dik gora talde eta 53 kontzertu inguruegingo dira. Aurten ere ZUZEN-ZUZENEAN zirkuituaren inguruan ekintza paralelo ezberdinak burutuko dira, musika kontsumitzeko ikus-entzulego potentziala areagotzera eta euskal musikarekiko gizarte sentsibilizazioa zabaltzera bideratutako ekintzak hauexek: artista eta sektoreko profesionalen hitzaldi musikatuak, jam-sessionak, musikarekin lotutako liburu berrien aurkezpenak...

Besteak beste, ondoko taldeen parte hartzea konfirmatu da: Hesian, Egurre, El Columpio Asesino, Soziedad Alkoholika, Su Ta Gar. Childrain, Jon Robles, Pablo Marín Stet, Moog Indigo Trío, Sosegua, Barricada, Zea Mays eta Moby Dick. Dakizuenez, talde ezagun edo sendotuen telonero gisa beste talde edo artista ez hain ezagunak arituko dira.