Xalotasuna, goxotasuna eta pop melodia gogoraerrazak izan ziren Alaitz eta Maiderren ezaugarri nagusiak. Oiartzungo bikoteak ustekabea eman zuen "Alaitz eta Maider" izeneko lehen lanarekin, urte hartan Euskal Herrian gehien entzun eta dantzatu zen diskoetako bat izan zela. Trikitixa eta pop sentsibilitatea uztartzen dituzten taldeen artean aitzindarietakoa dugu. Plazaz plaza ibili ondotik, bikotea banandu zen.