Kashbad taldeko abeslaria izan zenak bakarkako ibilbide interesgarriari ekin zion XXI. mende hasieran. Kashbad, Distantzia, Hesiak, Onna, Duna eta Sorkun&Vicepresidentes diskoetako abesti akustikoenak moldatu zituen Sorkunek zuzenean modu desberdin eta biluzian aurkezteko. Kantu hauekin batera, Sorkunek eskola zaharreko bluesak ere abesten aritu zen. Aurretik, rock eremuetan pausatua, elektronika eta poparekin jostatu da, nahiz eta Vice Presidentes taldearekin batera gauzatu duen hirugarren diskoa idorragoa den, stoner soinuetara lerratua eta bere aurreko lanak baino latzagoa. Ezin dugu ahaztu Sorkun Fermin Muguruzaren kolaboratzaile izan dela usu zuzeneko nahiz grabazio lanetan.