harpide

berriaketa...

Folk Me, Laztana

folka

	Brian Michael Roff & Joseba Irazoki (Moonpalace Records)
	Joseba Irazoki (Bera) eta Brian Michael Roff (AEB) toki desberdinetako musikariak dira. Musika jotzeko moduak ere desberdinak dira. Baina osagarriak, era berean, Folk me, laztana lanean erakutsi digutenez. Bosna kantu grabatu dituzte. Brian Michael Roffenak entzun eta gero gustura hartzen ditut Josebarenak. Arin igaro da denbora, lehenengo kantua hasi eta hamargarrena amaitu denerako. Brian Michael Roff gitarra akustikoa, banjoa eta aho-soinuarekin aritzen da, AEBetako musika tradizio zaharren gainean, bere kasa, bere ukituarekin. Zintzotasuna antzematen ahal da bere doinuetan. Nowhere eta New north kantuak oso gustukoak ditut. Joseba Irazokik ere maite du AEBetako folk musika (countrya, besteak beste). Bere jotzeko eta kantatzeko modu bereziarekin baliatzen ditu hango aireak. Gizona zakur egin zen aurreko lanaren jarraipentzat har daitezke Folk me, laztana diskorako grabatu dituen bost kantuak. Beste urrats bat. Beratzen eta Sasitza naiz kantuak oso politak dira, eta izenik gabeko instrumentala ere bai (Josebak gitarra jotzeko dohainak erakusten ditu, beste behin, apaltasunez).
	Joxi Ubeda

Documento sin título


Bits & pieces San Leon • askotarikoa
"Musikak aske egingo zaitu" entzun daiteke diskoa irekitzen duen "Hysterical eyes" abestian. Bartzelonan bizi eta ingelesez abesten duen boskotea da San Leon. Erritmo tropikalak egiten dituzte, popetik rumba edo folkera doazenak.


Cañón Munlet • punk
2008an Bilbao Hiria Pop Rock Lehiaketan bigarren saria irabazi zuen Munlet-ek. Diskoa grabatzeko aukera hori aprobetxatuz Jose Lastraren Lamiña estudioan sartu ziren eskuartean dugun Cañón lana CD eta biniloan argitaratzeko.


...a por ti! Blow Up • pop
Sentsazio gazi gozoa izan dugu diskoa entzuten bukatzerakoan. Alcala de Henareseko (Espainia) taldeak baditu asmo onak, baina azken emaitzari hankamotz deritzogu.


A Sufi And A Killer Gonjasufi • hip-hop
Gonjasufi San Diegoko raper, abeslari, disc jockey eta yoga irakasle bat da. 1990eko hamarkadaren hasieratik, Masters of the Universe taldearen barnean batik bat, hainbat grabaketa plazaratu izan ditu baina Flying Lotus kaliforniar hip hop musikari handiaren “Los Angeles” (2008) lanean azaltzeak eman du benetan mundu mailan ezagutzera. Bultzada horren laguntzaz eta Gaslamp Killer ekoizlearen zuzendaritzaren azpian bere lehen lana plazaratu du, eta a ze lana gainera.


Inoiz baino Jok • pop-rock
Jokin Larraza tolosarrak abiatu du Jok egitasmoa. Jokin, besteak beste, Uncle Mussels eta Ze Habil Barrabil taldeetan aritu zen 90eko hamarkadan. Aspaldi konposatu eta idatzita zeuzkan kantuak berriz ere hartu, grabatu eta Inoiz baino diskora bildu ditu.


Sensacional Soul vol.2 Askoren artean • soul
Frankoren diktadurapean Estatu espainiarrean egin ziren soinu dantzagarrienak dakartza Vampisoulen Sensacional Soul bildumaren bigarren bolumenak. 32 kantu dira guztira, LP edo CD bikoitzean bilduta, ohar historikoak jasotzen dituen liburuxkarekin batera.

footer