harpide

berriaketa...

Cañón

punk

	Munlet (gaztelupeko hotsak)
	2008an Bilbao Hiria Pop Rock Lehiaketan bigarren saria irabazi zuen Munlet-ek. Diskoa grabatzeko aukera hori aprobetxatuz Jose Lastraren Lamiña estudioan sartu ziren eskuartean dugun Cañón lana CD eta biniloan argitaratzeko. Hitzek sortzen dute Munlet-en musikari dosi berezia ematen dion elementua. Abesten duten kritika soziala gordina da eta horretarako elementu bereizgarriak erabiltzen dituzte: deskontrola, androideak eta mutazioak. Aurretik, gurean Virüs saiatu zen formula honekin zerbait egiten. Baina emaitza ezberdina izan zuen, eta Virüs erdibidean gelditu bazen, Munletek etekina atera dio giro ilun bezain eraginkorra lortuz. Bikote moduan hasi zen taldea boskote moduan aurkeztu zaigu disko honetan: Lady Fingers eta Herr Professor-ez gain, Oscar Alvarez (Los Brebes) baterian, Sergio Llanos (Eureka Hot IV) gitarran eta Arkaitz Garai (Los Brebes) baxuan aurkitzen ditugu. Hasieratik talde ausarta da Munlet, Clínica de ruidos lehen diskoa atera ostean, bertsioek osatutako Pong! argitaratu zutenean ikusi genuen bezala; lotsarik gabe, AC/DC, Cancer Moon edo David Bowieren kantuak moldatu zituzten besteak beste. Elektrizitatez beteta dagoen Cañón disko berrian aspalditik hartu zuten punk rock-erako joera nabarmentzen da: bizpahiru minutu irauten dituzten hamabost kantu bildu dituzte. Control indartsuarekin hasten dira, diskoan aurkituko duguna iragartzen digun punk abesti azkarra. Electricidad bezalakoetan melodia itsaskorrak sortu dituzte eta pop-era ere gerturatu dira Mitocondria-n. Diskoa erraz entzuten diren horietakoa da, barrenak astintzen dizkizun txute bat bezala, disko irakurgailuan behin eta berriz bueltaka dabiltzan horietakoa.. Lan berria borobiltzeko Cañón singlearekin Pablo Fermin ilustratzaileak egin duen bideoa aurkitzen dugu. Irudi indartsuek osatutako animazioa.
	Arkaitz Villar

Documento sin título


The Glorious Gongs Of Hainuwele Harappian Night Recordings • Psikodelia
Aspaldian entzun dudan disko misteriotsu eta liluragarrienetako bat da hau zalantzarik gabe. Eta liluragarriena diodanean ez naiz ohiko pop doinu erakargarri edo hunkigarri batek sortzen duen liluraz ari, ez.


Bits & pieces San Leon • askotarikoa
"Musikak aske egingo zaitu" entzun daiteke diskoa irekitzen duen "Hysterical eyes" abestian. Bartzelonan bizi eta ingelesez abesten duen boskotea da San Leon. Erritmo tropikalak egiten dituzte, popetik rumba edo folkera doazenak.


Cañón Munlet • punk
2008an Bilbao Hiria Pop Rock Lehiaketan bigarren saria irabazi zuen Munlet-ek. Diskoa grabatzeko aukera hori aprobetxatuz Jose Lastraren Lamiña estudioan sartu ziren eskuartean dugun Cañón lana CD eta biniloan argitaratzeko.


...a por ti! Blow Up • pop
Sentsazio gazi gozoa izan dugu diskoa entzuten bukatzerakoan. Alcala de Henareseko (Espainia) taldeak baditu asmo onak, baina azken emaitzari hankamotz deritzogu.


A Sufi And A Killer Gonjasufi • hip-hop
Gonjasufi San Diegoko raper, abeslari, disc jockey eta yoga irakasle bat da. 1990eko hamarkadaren hasieratik, Masters of the Universe taldearen barnean batik bat, hainbat grabaketa plazaratu izan ditu baina Flying Lotus kaliforniar hip hop musikari handiaren “Los Angeles” (2008) lanean azaltzeak eman du benetan mundu mailan ezagutzera. Bultzada horren laguntzaz eta Gaslamp Killer ekoizlearen zuzendaritzaren azpian bere lehen lana plazaratu du, eta a ze lana gainera.


Inoiz baino Jok • pop-rock
Jokin Larraza tolosarrak abiatu du Jok egitasmoa. Jokin, besteak beste, Uncle Mussels eta Ze Habil Barrabil taldeetan aritu zen 90eko hamarkadan. Aspaldi konposatu eta idatzita zeuzkan kantuak berriz ere hartu, grabatu eta Inoiz baino diskora bildu ditu.

footer