Bilboko taldearen hamahirugarren diskoa dugu Al Amanecer seguir soñando (Baga Biga, 2012), eta ametsen eta desiren eremuan murgildu dira, berriro ere, Doctor Deseo taldeko kideak. Disko berriaren aurkezpen mundiala egin zuten Bilborocken, rockaren familia handiak babestuta, aurreko martxoaren 13an, asteartearekin. 13ak, zenbaki madarikatuak, dirudienez, ez die batere beldurrik ematen-eta. Ez da arraroa, diskoa grabatu baino lehen, Euskal Herriko antzoki desberdinetara eramango dituen birarako sarrerak aspalditik daude agortuta. “Espero dugu, publikoak gugan jarri duen konfiantzaren pareko ikuskizuna eskaintzea”, esan digu Francis Diezek, taldeko abeslariak eta kanten egileak. Berarekin elkartu gara Bilboko Uribarri auzoko The Devil tabernan, gu ere, deabrua bera engainatzeko gai garen, froga egitearren.

Ufestuek, Baztango punk taldeak, 10 urte bete ditu. Urteurrenarekin batera, Faxismoaren harra, euren laugarren diskoa argitaratu dute, luxuzko biniloan bilduta eta prezio irrigarrian! Larre berdez inguraturiko taldeak ordea, ez ditu mezu bukolikoak maite. Nahiago du kontzientziak harrotzea.

Besteak beste, Jousilouli, Naizroxa, Trigger Travis eta Xikinkei taldeetan ibilitako musikariek osatzen dute Anai-Arrebak. Musika eszenan lagun zaharrak ditugu pasaiatar hauek, hots, musikari eskarmentatuak, nahiz eta dakarten proposamena nahiko berritzailea den: disco doinuak, punk eta rockarekin uztartuz. Familiako gora beherak eta festarako guztiz gomendagarria den kaleratu berri duten bost abestitako estreinako lanari buruz jakin-minez Iñigo Etxarrirekin (Pasai Donibane, 1989) egon gara.

The Kluba taldeak disko berria atera eta bira luze bati ekin dio. Asteon Euskal Herrian barna ibiliko da berau aurkezten. Hori dela eta, Juantxo Skalari taldeko buruarekin mintzatu gara.