entzun.com

Musika albisteak
eta agenda astero
zure postontzian!


Hemen zaude -> Elkarrizketak
| Sindikatu - RSS | Testu tamaina AAA

Elkarrizketa

Elkarrizketak
kokein 1 Argazkiak: Galder Izagirre

Kokein SUSPERTZE OIHUA

2017-05-18

Kokein taldearen ‘Lurpekhariä’ (Autoekoizpena, 2016) disko berria lurreko barrunbeetatik sortua da. 15 urteko ibilbide mamitsuak eta bost disko luzek gorpuzten dute eibartarren jarduera. Honezkero, Zaloa Urain ahots duen bandaren talentua eta esperientzia ez ditu inork zalantzan jartzen. Hain justu Zaloak hartu gaitu; musikagintzan ere emakumeok asmatzeko asko dugula erakusten du bere eztarri indartsuak.
Elkarrizketak
joseba b lenoir 1

Joseba B. Lenoir GAKOBELTZAREN BEHIN BETIKO HEGALDIA

2017-05-03

Ameba (gerora Sexty Sexers) taldeko gitarra-jotzaile gisa ezagutu genuen Joseba Baleztena eta nahiz eta gerora Sumisión City Blues, Willis Drummond, Rafa Berrio, Max Gamuza edota Izaki Gardenak egitasmoekin ere ikusi dugun. 2012an, ordea, bakarkako proiektuari ekin zion 'Instroak Vol.1.’ disko instrumentala autoekoitziz. Ondoren etorri ziren ‘Instroak Vol.2.’ eta ‘Tenpesta’ artelanak. Azken honek, gainera, hasieran biko formatuan eta ondoren Gang boskote gisa, edota bestelako formatuetan ere bai, bere abestiak publikoaren aurrean aurkeztera eraman du musikari beratarra.
Elkarrizketak
eskean kristo 1

Eskean kristö ROCK & ROLLAREN GURE TIRANOAK

2017-05-03

Duela lauzpabost urte sortu zen Arratiako Eskean Kristö boskotea. Eta asko poztu ziren garai hartan umezurtz zeuden euskarazko rock & roll zaleak. Maketa bat eta bi disko kaleratu dituzte ordutik. Berriena, Ezkurrik onenak (Baga-Biga, 2016) rock & roll pilula, laburra bezain anitz eta gordina da. Pello Artabe abeslariak gehiago kontatu digu.
Elkarrizketak
arrotzak 3

Arrotzak AIRE FRESKOA KASETE FORMATUAN

2017-04-24

Arrotzak taldeak aire freskoa ekarri du Euskal Herri pozoindu honetara. ‘Euskal Herri pozoindua’ kantak ematen baitio hasiera orain arte kaleratu duten lan bakarrari; zortzi abestiz osatutako kasete homonimoa da. Zeresan handia eman dute eta gure bazterrak bisitatu dituzten atzerriko hainbat talderekin batera ikusi ditugu azkenaldian. Ikus-entzulegoari zapore ona utzi diote, eta gogo bizia genuen eurekin hitz egiteko. Mikel Ramirez de Alda (bateria) eta Aritz Aranbururekin (gitarra eta ahotsak) batu gara.
Elkarrizketak
montauk 1

Montauk ABESTI SOIL ETA BILUZIEN BILA

2017-04-24

Talde gaztea dugu Gasteizkoa. Iragan udaberrian, bederatzi kanta biltzen dituen ‘Bilaketan’ diskoa grabatu zuten Azkarate estudioetan Jonan Ordorikarekin. Adin bereko beste bandetan oso ohikoak ez diren erritmo lasai eta doinu intimoak ditu Montauk laukoteak bereizgarri. Beñat Goitia taldekidearekin izan da.
Elkarrizketak
azala

Zea Mays BI HAMARKADA SOINEAN

2017-04-19

‘Harro’ (Garden Records, 2016) dator Zea Mays taldea, eta arrazoiak soberan dituzte: ia 20 urteko ibilbide oparoa eta zortzigarren diskoa besazpian. 15 abesti berrirekin beste pauso bat eman dute aurrera, ohikoa duten bezala. Eklektikoa, sakona eta freskoa da ‘Harro’, gustuko dutena egiten jarraitzen dute azken batean. Aldiz, autoekoizpenari aspaldi lotu baziren ere, oraingoan haratago eraman dute apustua, eta berezko zigilua sortu dute diskoa plazaratzeko; euskaraz zein ingelesez zentzua duen Garden Records. Aiora Renteriak erantzun dir gure galderei.
Elkarrizketak
la basu 1

La Basu KALEKO ERREGINA

2017-04-11

Barakaldotik datorkigu La Basu, ‘Ni naiz Izotz Erregina’ (Taupaka, 2016) lan berriarekin. Umetxoa zela, gaitz batek ohera lotu eta orduantxe hasi zen poesia eta errimak idazten. Gaixotasun larria gaindituta, Elena Caballero La Basu bilkatu zen, eta jada 20 urte joan dira rapeatzen hasi zenetik. Oraingo honetan euskaraz abestera animatu da, Barakaldon ere gauzak asko aldatu baitira bi harmarkada hauetan. Orain arte bezala, Taupaka sortzaileen plataformaren eskutik kaleratuko du diskoa, nahiz eta hainbat diskoetxeren eskaintza jaso duen gauzak ezberdin egiteko.
Elkarrizketak
dabadaba1

Alex Lopez DABADABA, EDO NOLA ABIARAZI KONTZERTU GELA BAT DONOSTIAN

2017-04-11

Bi urte eta erdian 600 zuzeneko emanaldi baino gehiago antolatu ditu Donostiako Dabadaba aretoak. Programazio anitz eta ausarta giro etxetiar goxoarekin inork baino hobeto uztartzen dituen kontzertu gela honetan sekretu handirik ez da, ordea: lana eta musikarekiko maitasun mugagabea.

Elkarrizketak
bide ertzean 1 Argazkiaren egilea Ibai Arrieta

Bide Ertzean GANBARAN BILAKA

2017-04-11

Bide Ertzean taldeak ez du aurkezpenik behar. Euskal musikagintzan erreferente, ate asko zabaldu dituzte Tolosakoek.  Proiektu berri bati ekin diote orain: ‘Zutaz Kantatzeko’ (Gaztelupeko Hotsak, 2016) disko-liburuak 18 urteko ibilbideari errepasoa  egiten dio, euskal musikaren historiako kapitulu eder bat, dudarik gabe. Liburua idazteko Jon Eskisabel kazetariaren laguntza izan dute; diskoak, berriz, Bide Ertzeanek urte hauetan “bide ertzean” utzitako hainbat harribitxi biltzen ditu. Imanol Ubedak erantzun die gure galderei.
Elkarrizketak
Hilotz taldearen logoa. Hilotz taldearen logoa.

Hilotz Bortxara ohituta

2016-06-12

Zain ginen. Nahi genuen. Lasarteko taldearen enbata berria, beraien lehen lan luzea, behar zuen euskal thrash metalak eta muturreko metalaren eszenak. Maketa bortitz hartan erakutsitako soinua definitzea lortu dute, urteko disko gogor eta onenen artean sailkatzeraino. Zuekin… Hilotz!
Elkarrizketak
Victor de Diego Trio. Victor de Diego Trio.

Victor de Diego (jazz musikaria eta saxo-jolea) “Bartzelonan, goi mailako musikariak ezagutzeko, beraiekin jotzen aritzeko eta musikari bezala hazteko aukera izan nuen. Hori askoz ere zailagoa izango litzateke Euskal Herrian geratu izan banintz”

2016-06-05

Duela 30 urte hartu zuen Bartzelonarako bidea Victor de Diego jazz saxo-jole bilbotarrak. Bertan garatu du bere musika sorkuntza, baina ahal duen guztietan Bilbora itzultzen da, jaioterrira. Bittor (Quadrant Records) da bere 7. lan luzea, Jordi Gaspar (kontrabaxua) eta Gonzalo del Val (bateria) musikari kataluniarrekin osatzen duten hirukotearen bigarrena. Victorrek eman dizkigu zehaztasunak.
Backstage
Gnod taldea Mataderoan. Argazkia: Matadeixe Gnod taldea Mataderoan. Argazkia: Matadeixe

Gnod Azkotiko Mataderoan etxean bezain eroso

2016-05-18

Nire erlojuaren arabera ordu t’erdi eskas iraun zuen Gnod-ek Azkoitiko Mataderoan emandako kontzertuak. Arnasa hartu eta gitarraz aldatzeko etenaldi txiki bat barne, bateria bikoitzaren mailukadez bultzatuta eta gitarra-baxu/ahots/elektronikazko milaka geruzatan eratutako pieza polimorfiko luze bakar bat jo zuten. The Mirror abestiaren haserako riffa izan zen aurretik ezaguna iruditu zitzaidan une bakarra.
Backstage
Rafa Aceves. Arg: Itziar Diaz de Durana. Rafa Aceves. Arg: Itziar Diaz de Durana.

Rafa Aceves

2011-08-04

Zinemarako, antzerkirako zein telebistarako egin du lan, baina ezaguna da Txuma Murugarren edo Petti laguntzen dituelako tekletan. Mamba Beat talde bilbotarraren tekla-jolea ere bada –bigarren diskoa grabatzen ari dira–, eta Bilboko jatetxe ezagun batean urteak eman ditu bertako afariak musikaz laguntzen, “hori baita fakturak ordaintzen dituena” esan digu. Bitartean, Rafa Aceves jazz hirukotea gidatzen du, heziketa bereziko umeei musika eskolak ematen dizkie eta bere azken proiektuan, “Mirande Cabareta”, Txuma Murugarren eta Edorta Jimenez laguntzen ditu, literatura, antzerkia eta musika uztartzen dituen muntaian.
Elkarrizketa gehiago irakurri: Elkarrizketak Backstage